Brytanskaja piśmieńnica Džoan Roŭlinh paviedamiła, što pa jaje knizie «Fantastyčnyja istoty i miescy ich pražyvańnia» budzie źniata piać filmaŭ.
Premjera pieršaj karciny adbudziecca ŭ listapadzie. Śpin-of sahi pra Hary Potera staŭ debiutam dla Roŭlinh ŭ jakaści scenarysta.
«My zaŭsiody viedali, što adnym filmam usio nie abmiažujecca, i spynilisia na tryłohii. Ale ja detalova raspracavała siužet i ciapier ŭpeŭnienaja, što za ŭsio budzie piać filmaŭ», — skazała Roŭlinh na sustrečy z čytačami ŭ Łondanie.
U svaim «Tvitary» Roŭlinh napisała, što ciapier zakančvaje pracu nad scenaram da druhoha filma.
Režysioram karciny «Fantastyčnyja istoty i miescy ich pražyvańnia» staŭ Devid Jejtsc, jaki pastaviŭ čatyry filmy pra Hary Potera. Miarkujecca, što jon zdymie i druhi film novaj sieryi.
Hałoŭny hieroj filma - mahičny zaołah Ńjut Sałamander, jaki zajmajecca kłasifikacyjaj fantastyčnych istot. Dziejańnie razhortvajecca za 65 hadoŭ da pačatku sahi pra Hary Potera.
Knihu «Fantastyčnyja istoty i miescy ich pražyvańnia» Roŭlinh vydała ŭ 2001 hodzie — pamiž čaćviortaj i piataj častkami siamitomnaj sahi pra Hary Potera. Kniha pryśviečana historyi mahičnaj zaałohii.
U ramanach pra Hary Potera kniha «Fantastyčnyja istoty i miescy ich pražyvańnia» pradstaŭlena jak padručnik, pa jakim hałoŭny hieroj vyvučaje mahičnych istotaŭ.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ99
Kamientary