Razmova pra heta išła na sustrečy Nadzvyčajnaha i Paŭnamocnaha Pasła Biełarusi ŭ Aŭstryi Valeryja Varanieckaha, jaki zaviaršaje svaju dypłamatyčnuju misiju, ź pieršym namieśnikam staršyni Nacyjanalnaha savieta Aŭstryi Karłchajncam Kopfam, paviedamili ŭ pres-słužbie źniešniepalityčnaha viedamstva.
Na sustrečy abmiarkoŭvalisia aktualnyja pytańni biełaruska-aŭstryjskaha ŭzajemadziejańnia ŭ palityčnaj, handlova-ekanamičnaj i inšych halinach. «Asablivaja ŭvaha ŭdzielena pierśpiektyvam raźvićcia dvuchbakovaha mižparłamienckaha dyjałohu i supracoŭnictva, u tym liku ŭ kantekście raźvićcia damoŭlenaściej, dasiahnutych u čas praviedzienaha raniej vizitu Karłchajnca Kopfa ŭ Biełaruś i jaho pierahavoraŭ z kiraŭnictvam Pałaty pradstaŭnikoŭ Nacyjanalnaha schodu», - prainfarmavali ŭ pres-słužbie.
Baki vykazali zacikaŭlenaść u dalejšaj intensifikacyi biełaruska-aŭstryjskich adnosin i naroščvańni ŭzajemavyhadnaha supracoŭnictva ŭ roznych śfierach.
Jak paviedamlałasia, Valeryj Varaniecki paśla zakančeńnia dypmisii budzie pracavać u biełaruskim parłamiencie. Jon vybrany staršynioj Pastajannaj kamisii Pałaty pradstaŭnikoŭ šostaha sklikańnia pa mižnarodnych spravach.
Ciapier čytajuć
Unučki Łukašenki paśpiachova zamacavalisia ŭ Rasii8
Kamientary