42 znanyja eŭrapiejcy zaklikali krainy ES abjadnać svaju zamiežnuju palityku i adkinuć sumnievy nakont pašyreńnia.
25 červienia 42 znanyja eŭrapiejskija palityki i pradstaŭniki intelihiencyi padpisali zaklik da eŭrapiejskich lideraŭ abjadnać svaju zamiežnuju palityku i nie dapuścić novaha peryjadu samasumnievaŭ paśla adchileńnia Lisabonskaha traktatu Irlandyjaj.
Pad zajavaj padpisalisia ŭsie siabry Eŭrapiejskaj rady pa mižnarodnych adnosinach, a taksama były prezydent Finlandyi Marci Achtysaary, były ministar zamiežnych spravaŭ Niamieččyny Joška Fišer, dabračyniec vuhorskaha pachodžańnia Džordž Soras i były premjer‑ministar Belhii Žan‑Luk Dean. Tekst zajavy nastupny:
«Eŭrapiejcy i ich lidery viedajuć, što śviet nia budzie čakać, pakul Eŭropa vyrašyć svaje ŭnutranyja pytańni ŭdaskanaleńnia ŭłasnych instytutaŭ. Pahroza raspracoŭki Iranam atamnaj zbroi, niebiaśpieka vajny na Blizkim Uschodzie, baraćba suprać ekstremizmu ŭ Aŭhanistanie, prablema źmieny klimatu i ciažkaje stanovišča ŭ Afrycy — usio heta patrabuje macniejšaj Eŭropy, jakaja lepiej siabie prajavić u spravie spryjańnia miru i dabrabytu. Novamu kiraŭnictvu ŭ Vašynhtonie spatrebicca mocny eŭrapiejski partner, kab paćvierdzić status i ŭznavić maralny prestyž Atlantyčnaha aljansu. Miesca Eŭropy ŭ śviecie pachiśniecca, kali Eŭrasajuz budzie dazvalać sabie pierabyvać u samasumnievach i biezdapamožnaści.
My hłyboka pierakananyja, što, nie zvažajučy na supiarečnaści vakoł refarmavańnia eŭrapiejskich struktur, eŭrapiejcy nia chočuć, kab ich kantynent zrabiŭsia symbalem słabaści i zaniapadu ŭ XXI st. Dla Eŭrasajuzu žyćciova važna razmaŭlać sa śvietam adnym hołasam i vykanać uziatyja abaviazki pa pašyreńni, nia robiačy krainy‑kandydatki zakładnicami unutranych supiarečnaściaŭ u ES. Lidery Eŭropy padviaduć nadziei i zdradziać intaresam eŭrapiejcaŭ u tym razie, kali dazvolać niajasnaści vakoł Lisabonskaha traktatu pasłabić jašče chistkuju zamiežnuju palityku Eŭropy albo kali jany ŭniknuć samoha vykliku ŭzmacnieńnia zamiežnaj palityki».
Padpisalisia:
Marty Achtysaary, Finlandyja
Marek Belka, Polšča
Jan Kšyštaf Bialecki, Polšča
Śviatasłaŭ Bojłaŭ, Baŭharyja
Ema Banina, Italija
Marta Dasu, Italija
Žan‑Luk Dean, Belhija
Džanfranka Del'Alba, Italija
Pavał Demieš, Słavaččyna
Endru Daf, Vialikabrytanija
Ufe Eleman‑Jensen, Danija
Brajan Ina, Vialikabrytanija
Joška Fišer, Niamieččyna
Tymaci Hartan Eš, Vialikabrytanija
Branisłaŭ Hieremek, Polšča
Entani Hidens, Vialikabrytanija
Ištvan Hjarmaci, Vuhorščyna
Dyjeha Idalha, Hišpanija
Michijel Van Chulten, Niderlandy
Volfhanh Išynhier, Niamieččyna
Hierald Knaŭs, Niamieččyna
Kajo Koch‑Vezer, Niamieččyna
Ivan Kraścieŭ, Baŭharyja
Mirasłaŭ Łajčak, Słavaččyna
Mark Leanard, Vialikabrytanija
Alen Mienk, Francyja
Mikałaj Mładenaŭ, Baŭharyja
Daminik Muazi, Francyja
Andžej Alachoŭski, Polšča
Dyk Ostynh, Niderlandy
Mabel Van Orańje, Niderlandy
Lealuka Arlanda, Italija
Dyjana Pinto, Francyja
Endru Padefat, Vialikabrytanija
Džordž Robertsan, Vialikabrytanija
Albert Rochan, Aŭstryja
Daniel Saks, Švecyja
Džuzepe Skańjamilja, Italija
Alaksandar Smolar, Polšča
Džordž Soras, Vuhorščyna
Andre Vilkiens, Niamieččyna
Kamientary