Košt pražyvańnia ŭ hateli składaje da 715 jeŭra za sutki.
Haścinica Crowne Plaza Minsk raźličvaje atrymać siertyfikat na adpaviednaść patrabavańniam piacizorkavaha hatela da 15 lipienia. Ab hetym paviedamiŭ prezident hrupy kampanij Princess Group Sudzi Ozkan na pres-kanfierencyi 28 červienia ŭ Minsku z nahody adkryćcia haścinicy.
Na dumku Sudzi Ozkana, u Biełarusi nieabchodna budavać bolš haścinic. Mnohija zamiežniki žadajuć spyniacca ŭ viadomych hatelach, i najaŭnaść takoj haścinicy ŭ Minsku moža stać vyrašalnym faktaram u ich pryjeździe ŭ Biełaruś.
Hatel Crowne Plaza Minsk źjaviŭsia ŭ vyniku rekanstrukcyi haścinicy «Śvisłač», jakaja była pabudavana ŭ 1934—1938 hadach i była pomnikam architektury. Heta stvarała, pavodle jaho słoŭ, «šerah ciažkaściej, tamu raboty pa rekanstrukcyi zaniali vosiem hadoŭ». U rekanstrukcyju było nakiravana 50 młn. dołaraŭ.
Crowne Plaza Minsk uklučaje 115 numaroŭ roznych katehoryj, restaran, čatyry kanfierenc-zały i kazino. Košt pražyvańnia ŭ hateli składaje ad 210 jeŭra za sutki ŭ standartnym numary da 715 jeŭra — u numary kłasa «prezident luks», jakich u haścinicy dva.
Pieršych naviedvalnikaŭ haścinica pryniała 26 maja. «Na siońniašni dzień Crowne Plaza Minsk pracuje pad zahruzku», — skazaŭ biźniesmien.
Praz dva miesiacy ŭ Srowne Plaza Minsk źjavicca kaśmietyčny SPA-sałon, na druhim paviersie adkryjecca italjanski restaran. «Tolki ŭ interjer hetaha restarana ŭkładziena 2 młn. dołaraŭ», — skazaŭ jon. Na trecim paviersie budzie pracavać načny kłub z dyskatekaj, «anałahaŭ jakomu ŭ Minsku niama».
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary