Кошт пражывання ў гатэлі складае да 715 еўра за суткі.
Гасцініца Crowne Plaza Minsk разлічвае атрымаць сертыфікат на адпаведнасць патрабаванням пяцізоркавага гатэля да 15 ліпеня. Аб гэтым паведаміў прэзідэнт групы кампаній Princess Group Судзі Озкан на прэс-канферэнцыі 28 чэрвеня ў Мінску з нагоды адкрыцця гасцініцы.
На думку Судзі Озкана, у Беларусі неабходна будаваць больш гасцініц. Многія замежнікі жадаюць спыняцца ў вядомых гатэлях, і наяўнасць такой гасцініцы ў Мінску можа стаць вырашальным фактарам у іх прыездзе ў Беларусь.
Гатэль Crowne Plaza Minsk з'явіўся ў выніку рэканструкцыі гасцініцы «Свіслач», якая была пабудавана ў 1934—1938 гадах і была помнікам архітэктуры. Гэта стварала, паводле яго слоў, «шэраг цяжкасцей, таму работы па рэканструкцыі занялі восем гадоў». У рэканструкцыю было накіравана 50 млн. долараў.
Crowne Plaza Minsk уключае 115 нумароў розных катэгорый, рэстаран, чатыры канферэнц-залы і казіно. Кошт пражывання ў гатэлі складае ад 210 еўра за суткі ў стандартным нумары да 715 еўра — у нумары класа «прэзідэнт люкс», якіх у гасцініцы два.
Першых наведвальнікаў гасцініца прыняла 26 мая. «На сённяшні дзень Crowne Plaza Minsk працуе пад загрузку», — сказаў бізнесмен.
Праз два месяцы ў Сrowne Plaza Minsk з'явіцца касметычны СПА-салон, на другім паверсе адкрыецца італьянскі рэстаран. «Толькі ў інтэр'ер гэтага рэстарана ўкладзена 2 млн. долараў», — сказаў ён. На трэцім паверсе будзе працаваць начны клуб з дыскатэкай, «аналагаў якому ў Мінску няма».
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць32
Каментары