Dziarždepartament ZŠA vystupiŭ z papiaredžańniem pra niebiaśpieku ździajśnieńnia teraktaŭ pa ŭsioj Jeŭropie ŭ pieryjad śviataŭ, paviedamlaje BBC.
U zajavie viedamstva, adrasavanaj hramadzianam ZŠA, havorycca, što džychadzisckaja hrupoŭka, jakaja nazyvaje siabie «Isłamskaja dziaržava», i rodnasnyja joj arhanizacyi płanujuć napady, metami jakich mohuć stać kaladnyja imprezy ŭ jeŭrapiejskich krainach.
«Vartaja davieru infarmacyja śviedčyć, što «Isłamskaja dziaržava Iraka i Levanta», «Al-Kaida» i jaje filijały praciahvajuć płanavać terakty ŭ Jeŭropie z akcentam na śviatočny siezon i źviazanyja ź im padziei», — havorycca ŭ paviedamleńni Dziarždepartamienta.
Hramadzianam ZŠA rekamiendavana być asabliva aściarožnymi i zachoŭvać pilnaść pry naviedvańni turystyčnych abjektaŭ, u transparcie, inšych šmatludnych miescach.
«Varta prajaŭlać abačlivaść padčas fiestyvalaŭ, śviatočnych mierapryjemstvaŭ i kirmašoŭ pad adkrytym niebam», — havorycca ŭ paviedamleńni.
U dakumiencie zhadvajucca napady, učynienyja za apošni hod isłamskimi ekstremistami ŭ Bielhii, Hiermanii i Turcyi. Dziarždepartamient addaje naležnaje namahańniam jeŭrapiejskich słužbaŭ biaśpieki, nakiravanym na praduchileńnie teraktaŭ, adnak zaŭvažaje, što patencyjał dla novych napadaŭ zachoŭvajecca ŭ roznych častkach Jeŭropy.
«Terarysty mohuć zadziejničać roznuju taktyku, z vykarystańniem jak tradycyjnych, tak i nietryvijalnych vidaŭ zbroi. Ich metaj moža być jak aficyjnyja abjekty, tak i pryvatnyja asoby», — papiaredžvajuć u viedamstvie.
U minułyja vychodnyja francuzskaja palicyja aryštavała siem čałaviek pa padazreńni ŭ padrychtoŭcy terarystyčnaha napadu. Viadoma, što ŭ piatnicu ŭ Strasburhu adkryvajecca adzin z najstarejšych i najbujniejšych kaladnych kirmašoŭ u śviecie.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»37
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary