«Ja nia viedaju, jak mianie možna było abvinavacić u špijanažy, kali ja nikoli ŭ Biełarusi nia byŭ», - kaža biznesoviec.
27 červienia pravaachoŭnyja orhany Biełarusi pradjavili kančatkovyja abvinavačańni zatrymanamu 12 sakavika amierykancu Emanuiłu Zielceru. Jamu stavicca ŭ vinu vykarystańnie zaviedama niesapraŭdnych aficyjnych dakumientaŭ, kantrabanda narkatyčnych srodkaŭ i kamiercyjny špijanaž. Jaho sakratar hramadzianka Rasii Uładlena Funk (Bruskova) abvinavačvajecca ŭ vykarystańni zaviedama niesapraŭdnych aficyjnych dakumientaŭ i ŭ kamiercyjnym špijanažy.
Aprača taho, śledčaje ŭpraŭleńnie KDB raspačało kryminalnuju spravu «pa prykmietach kamiercyjnaha špijanažu» ŭ dačynieńni da Džozefa Kieja, jaki źjaŭlaŭsia klijentam Zielcera.
«Ja nie viedaju, jak mianie možna było abvinavacić u špijanažy, kali ja nikoli ŭ Biełarusi nie byŭ. Špijanaž na karyść kaho? Vydumki heta ŭsio», — zajaviŭ Dž.Kiej.
Pavodle jaho słoŭ, jon nie razhladaje varyjant pryjezdu ŭ Minsk, kali hetaha zapatrabuje śledstva. Kiej vykazaŭ sumnieńnie ŭ demakratyčnaści palityki biełaruskich uładaŭ i vykazaŭ spadziavańnie, što «Biełaruś uvojdzie ŭ lik narmalnych jeŭrapiejskich krain, dzie vykonvajucca zakony».
U svaju čarhu kiraŭnik pres‑słužby Kamiteta dziaržaŭnaj biaśpieki Biełarusi Valeryj Nadtačajeŭ nie staŭ kamientavać praceduru infarmavańnia padazronych i chodu śledstva.
Miž tym advakat Zielcera i Funk Dźmitryj Haračka paviedamiŭ BiełaPAN, što 30 červienia jon i jaho klijenty pačali vyvučeńnie materyjałaŭ spravy, na što moža pajści ad paŭtara da dvuch tydniaŭ. Paśla hetaha materyjały buduć pieradadzieny prakuroru.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary