Śpis katehoryj hramadzian, jakija nie buduć ličycca «darmajedami», płanujuć pašyryć
Normy dekreta «Ab papiaredžańni sacyjalnaha ŭtrymanstva» pavinny być adkarektavanyja da kanca 2016 hoda. Takoje rašeńnie pryniataje siońnia na naradzie ŭ Alaksandra Łukašenki.
Jak paviedamlaje pres-słužba kiraŭnika dziaržavy, płanujecca pašyryć pieralik katehoryj hramadzian, jakija buduć vyzvalacca ad vypłaty zboru. U ich lik, naprykład, uvojduć tyja, chto prachodzić alternatyŭnuju słužbu, a taksama spartsmieny, jakija znachodziacca ŭ śpisačnaha składzie nacyjanalnaj abo zbornaj kamandy Biełarusi pa tym abo inšamu vidzie sportu i nie atrymlivajuć niejkaha dachodu.
«Akramia taho, padtrymanaja prapanova ŭ jakaści vypłačanaha padachodnaha padatku ź fizičnych asob uličvać sumy takoha padatku, na jakija jon byŭ pamienšany ŭ vyniku prymianieńnia ŭstanoŭlenych zakanadaŭstvam padatkovych vylikaŭ, jak, naprykład, u vypadku akazańnia dziaržaŭnaj sacyjalnaj padtrymki pry budaŭnictvie žylla abo atrymańni adukacyi», — paviedamlaje pres-słužba.
Jašče adno źmianieńnie zakranie pieranos terminaŭ vydačy paviedamleńniaŭ i vypłacie zboru za 2015 hod na 20 studzienia i 20 lutaha 2017 hoda adpaviedna. «Heta zroblena ŭ pryvatnaści z ulikam nieabchodnaści ŭdaskanaleńnia sfarmiravanaj infarmacyjnaj bazy danych płacielščykaŭ zboru», — adznačajecca ŭ paviedamleńni.
Čakajecca, što miascovyja orhany ŭłady buduć nadzielenyja pravam vyzvalać ad vypłaty zboru hramadzian, jakija trapili ŭ ciažkija žyćciovyja situacyi.
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
-
Biełaruskim sanatoryjam u Rasii ekanamičny kryzis tolki na karyść
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary