Спіс катэгорый грамадзян, якія не будуць лічыцца «дармаедамі», плануюць пашырыць
Нормы дэкрэта «Аб папярэджанні сацыяльнага ўтрыманства» павінны быць адкарэктаваныя да канца 2016 года. Такое рашэнне прынятае сёння на нарадзе ў Аляксандра Лукашэнкі.
Як паведамляе прэс-служба кіраўніка дзяржавы, плануецца пашырыць пералік катэгорый грамадзян, якія будуць вызваляцца ад выплаты збору. У іх лік, напрыклад, увойдуць тыя, хто праходзіць альтэрнатыўную службу, а таксама спартсмены, якія знаходзяцца ў спісачнага складзе нацыянальнай або зборнай каманды Беларусі па тым або іншаму відзе спорту і не атрымлiваюць нейкага даходу.
«Акрамя таго, падтрыманая прапанова ў якасці выплачанага падаходнага падатку з фізічных асоб улічваць сумы такога падатку, на якія ён быў паменшаны ў выніку прымянення ўстаноўленых заканадаўствам падатковых вылікаў, як, напрыклад, у выпадку аказання дзяржаўнай сацыяльнай падтрымкі пры будаўніцтве жылля або атрыманні адукацыі», — паведамляе прэс-служба.
Яшчэ адно змяненне закране перанос тэрмінаў выдачы паведамленняў і выплаце збору за 2015 год на 20 студзеня і 20 лютага 2017 года адпаведна. «Гэта зроблена ў прыватнасці з улікам неабходнасці ўдасканалення сфарміраванай інфармацыйнай базы даных плацельшчыкаў збору», — адзначаецца ў паведамленні.
Чакаецца, што мясцовыя органы ўлады будуць надзеленыя правам вызваляць ад выплаты збору грамадзян, якія трапілі ў цяжкія жыццёвыя сітуацыі.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца4
Каментары