Prafiesar Devid Hudał, jakomu 102 hady, damohsia taho, kab praciahvać pracavać va Univiersitecie Edyt Koŭen u aŭstralijskim Piercie.
Raniej jamu pryjšło rasparadžeńnie ab tym, što z novaha hoda jon pavinien pieranieści svoj pracoŭny kabiniet pa miescy žycharstva pa mierkavańniach biaśpieki na pracoŭnym miescy, adnak ciapier rektarat pierahledzieŭ raniejšaje rašeńnie.
Hudał źjaŭlajecca aŭtaram bolš za 100 navukovych prac pa pytańniach ekałohii i samym pažyłym navukoŭcam Aŭstralii - jaho karjera doŭžycca bolš za 70 hadoŭ.
Va univiersitecie Edyt Koŭen Hudał adpracavaŭ 20 hadoŭ i pa-raniejšamu źjaŭlajecca navukovym supracoŭnikam svajoj kafiedry, ale nie atrymlivaje zarobak.
Pierad pačatkam ciapierašniaha akademičnaha hoda Hudał atrymaŭ apaviaščeńnie pra toje, što jamu nieabchodna vyjechać za miežy kampusa, bo supracoŭniki byli zaniepakojenyja jaho zdaroŭjem.
Heta było jašče adnym rasčaravańniem dla navukoŭca, bo niezadoŭha da hetaha jamu daviałosia pakinuć vystupy ŭ teatry z-za paharšeńnia zroku.
Ciapier rektarat univiersiteta paćvierdziŭ, što Hudału znajšli lepšaje pamiaškańnie dla pracy, taksama raźmieščanaje na terytoryi kampusa, ale bližej da jaho kvatery.
«Ja rady, što my znajšli rašeńnie prablemy, i Devid praciahnie znachodzicca ŭ našym univiersitecie», - skazaŭ Bi-bi-si rektar Styŭ Čapman.
Sam navukoviec taksama nie chavaje svajoj radaści: «Ja spadziajusia praciahnuć daśledavańni ŭ svajoj vobłaści, pakul zrok mnie budzie dazvalać, choć upor na biaśpieku na pracoŭnym miescy byŭ zališnim», - skazaŭ Hudał u intervju aŭstralijskamu telekanału Ej-bi-si.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary