Darahamiłaŭski sud Maskvy zadavoliŭ pazoŭ byłoha deputata Viarchoŭnaj Rady Ukrainy Uładzimira Alejnika ab pryznańni padziej lutaha 2014 hoda va Ukrainie dziaržaŭnym pieravarotam.
Šmatmiesiačnaja akcyja pratestu na płoščy Niezaležnaści ŭ Kijevie zimoj 2013—2014 hoda skončyłasia adchileńniem ad ułady prezidenta Viktara Janukoviča i abviaščeńniem daterminovych vybaraŭ.
U pačatku pracesu Alejnik abviaściŭ, što jon i jaho siamja na radzimie padviarhajucca pieraśledu, tamu były deputat — spačatku ad błoku Julii Cimašenki, a potym ad Partyi rehijonaŭ — pražyvaje ŭ Maskvie i padaŭ pazoŭ pa miescy žycharstva.
Pavodle jaho słoŭ, ukrainskija viedamstvy i sudy admaŭlajucca razhladać jaho zajavy.
U svaim pazovie Uładzimir Alejnik zapatrabavaŭ jurydyčna rasceńvać źmienu ŭłady va Ukrainie jak dziaržaŭny pieravarot. U dokaz svajho śćviardžeńnia Alejnik zajaviŭ, što ŭ 2014 hodzie tahačasny prezident Viktar Janukovič byŭ niezakonna adchileny ad ułady.
«Dadzienaja akaličnaść znajšła paćviardžeńnie ŭ dokazach, pradstaŭlenych u spravie», — pahadziłasia ź im sudździa Hanna Šypikava.
U ramkach hetaj spravy ŭ jakaści śviedki byŭ dapytany sam były prezident Ukrainy Viktar Janukovič, paśla ŭciokaŭ z Kijeva 21 lutaha 2014 hoda pražyvaje na terytoryi Rasii.
Aficyjny Kijeŭ pakul nijak nie adreahavaŭ na rašeńnie Darahamiłaŭskaha suda Maskvy.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni22
Kamientary