Prezident ZŠA abviaściŭ pra zapusk uradavaha sajta pad nazvaj TrumpRx, dziakujučy jakomu amierykancy zmohuć nabyvać leki pa bolš dastupnych cenach.
Leki niepasredna na sajcie pradavacca nie buduć, adnak karystalniki zmohuć znajści tam recepturnyja preparaty i daviedacca, kolki možna zekanomić pry ich nabyćci.
Kab kupić leki mienavita takoj canoj, nieabchodna spampavać kupon i pradjavić jaho ŭ adnoj z aptek-partnioraŭ. Jak alternatyva, partał taksama pakazvaje mahčymaść nabyć patrebny preparat niepasredna ŭ vytvorcy, piša Deutsche Welle.
Na momant zapusku sajta na im było pradstaŭlena kala 40 miedykamientaŭ, u tym liku preparaty dla pachudzieńnia. Adnak žurnalisty nie ŭpeŭnienyja, što spažyŭcy sapraŭdy zmohuć atrymać nastolki značnyja źnižki, jakija abiacaje Donald Tramp. Tym časam šerah farmaceŭtyčnych kancernaŭ ZŠA ŭžo pahadzilisia prapanoŭvać svaju pradukcyju praz sajt TrumpRx sa źnižkaj.
ZŠA ličacca adnym z samych darahich rynkaŭ zbytu lekaŭ. U krainach Jeŭropy i Azii rehulavańnie rynku, jak praviła, bolš žorstkaje, i isnujuć damoŭlenaści pra maksimalnyja ceny.
U ZŠA ŭžo daŭno viadziecca dyskusija pra vysoki košt žyćcia. Pry hetym ceny lekaŭ — tolki adzin z aśpiektaŭ hetaj prablemy. Na hetym fonie Trampa niaredka krytykujuć za toje, što jon zanadta šmat uvahi nadaje źniešniaj palitycy i niedastatkova — unutranym prablemam amierykancaŭ.
-
U Łatvii prybiaruć z darožnych znakaŭ nazvy biełaruskich haradoŭ. Nie škada i 120 tysiač jeŭra
-
«Para spynić heta vajennaje śpiekulanctva». Charvatyja admoviłasia transpartavać ŭ Vienhryju i Słavakiju rasijskuju naftu, ale hatovaja pamahčy ź inšaj
-
Kiraŭnik Rheinmetall: Na hety momant my vyrablajem užo bolš bojeprypasaŭ, čym idzie va Ukrainu
Kamientary