Zrabić pašpart «terminova» možna budzie za 7 dzion, ale ŭdvaja daražej
Vydača pašpartoŭ u paskoranym paradku budzie kaštavać u dva razy daražej. Heta praduhledžana źmienami va ŭkaz prezidenta «Ab administracyjnych pracedurach, što ažyćciaŭlajucca dziaržaŭnymi orhanami i inšymi arhanizacyjami pa zajavie hramadzian». Tekst dakumienta apublikavany na Nacyjanalnym pravavym partale.
Siarod samych važnych źmien — novyja taryfy na vydaču pašpartoŭ «pa-terminovamu». Tak, zrabić asnoŭny dakumient za 15 dzion budzie kaštavać 1 bazavuju vieličyniu, a nie 0,5, jak raniej. Heta značyć, košt składzie 23 rubli, a nie 11,5.
Dadatkovaja płata za vydaču pašparta ŭ 7-dzionny termin u Minsku i abłasnych centrach budzie składać 2 bazavyja vieličyni (46 rubloŭ).
Adnak biełarusy, jakim treba terminova pierarabić pašpart, jašče mohuć zekanomić: novyja taryfy pačnuć prymianiać praz try miesiacy z dnia aficyjnaha apublikavańnia dakumienta.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary