Hetym skončyłasia zaduma 19-hadovaha junaka pakatacca na baćkavaj mašynie.
Ubačyŭšy patrulnuju mašynu supracoŭnikaŭ ADAI Puchavickaha RAUS, vadziciel aŭtamabila VAZ‑2106, jaki jechaŭ kala dzieviaci hadzin viečara pa darozie Hołack—Zazierje, rezka zatarmaziŭ, daŭ zadni chod i źviarnuŭ pablizu vioski Jasnaje na palavuju darohu.
Toje, jak kiroŭca adreahavaŭ na źjaŭleńnie patrula, prymusiła pravaachoŭnikaŭ pačać praśledavańnie ŭciekača: uklučyŭšy probliskavyja majaki i hukavy syhnał, jany sprabavali spynić mašynu, adnak daremna — nieviadomy na vialikaj chutkaści niośsia pa vioscy. Pavodle źviestak adździełu infarmacyi i hramadzkich suviaziaŭ UUS Mienabłvykankamu, paśla taho, jak vioska zastałasia zzadu, vadziciela znoŭ pasprabavali pryvieści da rozumu: jaho nieadnarazova papiaredžvali ab nieabchodnaści spynicca, ale i hetyja sproby nie dali vyniku. Daviałosia pravaachoŭnikam prymianić zbroju: paśla taho, jak parušalnik nie adreahavaŭ na dva papieradžalnyja streły ŭvierch, inspektar DPS DAI zrabiŭ čatyry prycelnyja pa kołach aŭtamabila z tabielnaj zbroi.
U vyniku zadniaje pravaje koła aŭtamabila ŭciekača było paškodžanaje, ale jon prajechaŭ na spuščanaj šynie jašče dva kilametry.
Jak vyśvietliłasia, za rulom aŭto znachodziŭsia 19‑hadovy junak, jaki nia mieŭ vadzicielskaha paśviedčańnia j kiravaŭ mašynaj baćki.
Ciapier čytajuć
Što Babaryka i Kaleśnikava adkazali na pytańni pra vajnu92
Kamientary