Učora bolš za sto pasieliščaŭ zastalisia bieź śviatła, a ŭ Pietrykaŭskim rajonie abrynułasia vodanapornaja vieža.
U vyniku mocnaha vietru asabliva paciarpieli pasieliščy ŭ Homielskaj i Mienskaj abłaściach, u 30 chatach byli paškodžanyja dachi.
U Pietrykaŭskim rajonie abrynułasia vodanapornaja vieža, ale vodazabieśpiačeńnie nie było parušanaje j nichto nie paciarpieŭ.
Aproč taho, bahata dzie na Paleśsi palehła žyta. U pałovie nasielenych punktaŭ da ranicy enerhazabieśpiačeńnie adnavili, paviedamlaje STV.
Tym časam jašče praciahvajecca likvidacyja paśledkaŭ mocnaha vietru, jaki 14 lipienia pakinuŭ bieź śviatła 50 pasieliščaŭ i mocna paškodziŭ lasy ŭ Biarezinskim rajonie.
U pryrodzie taho ŭrahanu było niešta mistyčnaje, paviedamlaje ANT. Kali stvały chililisia da ziamli, meteastancyi fiksavali chutkaść vietru ŭsiaho 8 metraŭ u sekundu. Patłumačyć hetkija dzivosy nadvorja nia mohuć navat synoptyki. Kažuć, što rezkija paryvy vietru nasili lakalny charaktar.
U likvidacyi ciapier zadziejničany bolš za 2 tysiačy čałaviek dy bolš jak 500 adzinak techniki. U subotu na miesca pryjaždžaŭ namieśnik premjer‑ministra Viktar Bura.
Ciapier čytajuć
Što Babaryka i Kaleśnikava adkazali na pytańni pra vajnu92
Kamientary