Ukaz ab skaračeńni dziaržsłužačych svajoj administracyi na 30% padpisaŭ 13 lutaha Alaksandr Łukašenka.Dakumient pryniaty «ŭ metach udaskanaleńnia dziejnaści Administracyi prezidenta Biełarusi, aptymizacyi jaje struktury i kolkaści», paviedamiła pres-słužba prezidenta.
Ukazam zaćvierdžany ŭ novaj redakcyi pałažeńnie ab Administracyi prezidenta i jaje struktura, a taksama pałažeńni ab pamočniku prezidenta i pres-sakratary.
«Aktualizavali funkcyi i paŭnamoctvy Administracyi Prezidenta Novaja struktura dazvolić zabiaśpiečyć efiektyŭnaść dalejšaj pracy hetaha dziaržorhana va ŭmovach skaračeńnia kolkaści jaho rabotnikaŭ», — adznačajecca ŭ relizie.
Refarmujecca instytut pamočnikaŭ prezidenta, ŭvodziacca dźvie novyja pasady pamočnikaŭ prezidenta. Jaho ŭzajemadziejańnie z zakanadaŭčaj i sudovaj halinami ŭłady budzie zabiaśpiečvacca pamočnikam pa pytańniach zakanadaŭčaj i sudovaj dziejnaści, a kantrol vykanańnia daručeńniaŭ pa pytańniach dziejnaści bankaŭ i niabankaŭskich kredytna-finansavych arhanizacyj — pamočnikam pa pytańniach raźvićcia finansava-kredytnaj sistemy.
Novym pałažeńniem ab pres-sakratary prezidenta praduhledžvajecca «značnaje pašyreńnie funkcyj i paŭnamoctvaŭ pres-sakratara, u tym liku pa kaardynacyi dziejnaści najvažniejšych dziaržaŭnych srodkaŭ masavaj infarmacyi».
Ukaz nabyvaje moc 1 maja 2017 hoda.
Ab skaračeńni Administracyi prezidenta havorka išła na naradzie ŭ Łukašenki 6 lutaha. «Budzie skaročana kala 30% dziaržaŭnych słužačych, jakija pracujuć u Administracyi prezidenta. Struktura administracyi nievialikaja — heta 108 dziaržsłužačych u toj novaj štatnaj kolkaści, jakuju my siońnia prapanavali», — zajaviła tady kiraŭnik AP Natalla Kačanava. Pavodle jaje słoŭ, heta pieršy krok u pracy pa skaračeńni štatnaj kolkaści dziaržaŭnych orhanaŭ pa ŭsioj krainie. «Hetaj ža pracaj siońnia zajmajucca i ŭrad, i ŭsie respublikanskija orhany kiravańnia. Ciapier užo adpracoŭvajecca ŭkaz pa aptymizacyi, dzie budzie vyznačany i pracent skaračeńnia dla ŭsich astatnich dziaržustanoŭ, respublikanskich i miascovych orhanaŭ ułady», — skazała Kačanava.
U toj ža čas pytańnie ab aptymizacyi na ŭzroŭni miascovych orhanaŭ ułady pakul zastajecca adkrytym: urad prapanoŭvaje nie čapać kolkaść raj- i harvykankamaŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary