Mokry śnieh i doždž prahnazujucca ŭ Biełarusi ŭ vychodnyja, paviedamiła BiełTA sinoptyk Śviatłana Rybakova.
U piatnicu nočču pa paŭnočnym uschodzie nievialiki śnieh, ranicaj i dniom na bolšaj častcy terytoryi krainy projduć karotkačasovyja apadki — mokry śnieh i doždž. Čakajucca słabyja tuman i hałalod, na asobnych učastkach daroh hałalodzica. Tempieratura pavietra ŭnačy składzie 1—7 marozu, udzień — ad minus 1 da plus 4 hradusaŭ.
U vychodnyja ŭmovy nadvorja ŭ asnoŭnym buduć vyznačać atmaśfiernyja franty, čakajecca niaŭstojlivaje nadvorje.
U subotu pad upłyvam atmaśfiernaha frontu nočču na bolšaj častcy terytoryi krainy, a dniom pa paŭdniovym uschodzie projduć mokry śnieh i doždž, čakajucca słabyja tuman i hałalod. Tempieratura pavietra ŭnačy budzie znachodzicca ŭ miežach ad minus 3 da plus 2 hradusaŭ, udzień — ad minus 1 da plus 4 hradusaŭ.
U niadzielu prahnazujecca pierasoŭvańnie čarhovyaj frantalnaj sistemy z poŭdnia Skandynaŭskaha paŭvostrava. Nočču ŭ krajnich paŭnočna-zachodnich rajonach, dniom na bolšaj častcy terytoryi Biełarusi projduć mokry śnieh i doždž, čakajucca słabyja tuman i hałalod. Dniom budzie paryvisty viecier. Tempieratura pavietra ŭnačy składzie ad minus 4 da plus 1 hradusa, dniom - ad minus 1 da plus 4.
«Na pačatku nastupnaha tydnia nadvorje ŭ Biełarusi buduć farmavać atmaśfiernyja franty, jakija źmiaščajucca z Zachodniaj Jeŭropy, i ciopłyja pavietranyja masy atłantyčnaha pachodžańnia», — dadała sinoptyk.
U paniadziełak, 20 lutaha, na bolšaj častcy terytoryi krainy projduć mokry śnieh i doždž, nočču i ranicaj mahčymy słaby hałalod. Zachavajecca paryvisty viecier.
Tempieratura pavietra ŭnačy składzie ad minus 3 da plus 2, udzień — ad nula da plus 5 hradusaŭ.
U aŭtorak, 21 lutaha, taksama čakajucca karotkačasovyja apadki, słaby hałalod. Tempieratura pavietra ŭnačy składzie ad minus 5 da plus 2 hradusaŭ, dniom - ad nula da plus 6.
Kamientary