Deputatka Viarchoŭnaj Rady Ukrainy Nadzieja Saŭčanka zajaviła, što hatovaja stać prezidentam Ukrainy i kiravać krainaj, jak viadomy čylijski dyktatar Aŭhusta Pinačet, paviedamlaje rian.com.ua.
«Raniej ja nie dumała ab tym, kab stać prezidentam. Ja ŭžo stamiłasia ad hetaha pytańnia. Maja meta zrabić Ukrainu macniejšaj. Kali dla hetaha ad mianie patrabujecca, kab stać prezidentam, ja hatovaja stać prezidentam», — skazała Saŭčanka u intervju kanadskaj haziecie Globe and Mail.
Jana adznačyła, što jaje hałoŭnym palityčnym kumiram źjaŭlajecca Pinačet, a taksama takija palityčnyja fihury, jak Ronald Rejhan, Nelsan Mandeła, Marharet Tetčer i Anhieła Mierkiel.
«Viadoma, jon (Pinačet) byŭ dyktataram, ale ŭ altruistyčnaj stupieni. Kraina (Čyli) była našmat lepšaja paśla jaho, čym da jaho», — ličyć Saŭčanka. Pry hetym deputatka dała jasna zrazumieć, što jana kiravała b Ukrainaj takim ža sposabam, jak hienierał Pinačet, adznačaje Globe and Mail.
«Ja ŭpeŭnienaja, što pavinna być dyktatura (va Ukrainie) u bolšaj ci mienšaj stupieni paśla vajny, prosta kab stabilizavać krainu i narmalizavać situacyju. Nam patrebny mocny lidar, jaki moža kantralavać situacyju, pakul jana pierachodzić praz nastupny etap raźvićcia», — skazała Saŭčanka.
Jana znoŭ zajaviła, što dla jaje prezident Rasii Uładzimir Pucin — hałoŭny vorah Ukrainy, «vorah numar dva» — «urad prezidenta Piatra Parašenki». Pry hetym, pavodle jaje słoŭ, Parašenka nibyta moža zaklučyć uhodu z Rasijaj.
Raźviedka ZŠA: Biełaruś stała pieradavym vajskovym płacdarmam Rasii24
Kamientary