Vada ŭ salonym voziery ŭ aŭstralijskim Mielburnie nabyła ružovaje adcieńnie pad upłyvam soniečnaha śviatła, vysokich tempieratur i nizkaha ŭzroŭniu apadkaŭ, paviedamlaje VVS sa spasyłkaj na administracyju parka Uesthiejt.
Jak adznačajuć śpiecyjalisty, vodaraści, jakija rastuć na dnie voziera, u takich umovach nadvorja, vypracoŭvajuć čyrvonyja pihmienty.
Anałahičny fienomien pieryjadyčna nazirajecca ŭ niekalkich aziorach na terytoryi Ispanii, Kanady i Sieniehała.
Pa słovach supracoŭnika Parkaŭ Viktoryi Marka Normana, afarboŭku vyklikała biaskryŭdnaja adnakletačnaja vodaraść pad nazvaj Dunalliela.
«Jana źjaŭlajecca całkam naturalnym praduktam. Mnohija kažuć nam, što heta vyhladaje jak pramysłovaja avaryja abo ružovaja farba», — kaža Norman.
Pry hetym navukoviec adznačaje, što choć vada ŭ voziery biaśpiečnaja dla čałavieka, jon by nie rekamiendavaŭ nikomu kupacca ŭ im, bo na dnie vielmi šmat soli i hleju.
Administracyja Parkaŭ Viktoryi paviedamlaje, što vada ŭ voziery znoŭ stanie błakitnaj paśla źnižeńnia tempieratury pavietra i adnaŭleńnia daždžoŭ.
Kamientary