Kijeŭ: Aŭtamabil, jaki nibyta sprabavaŭ prarvacca praź dziaržaŭnuju miažu Biełarusi, nie pierasiakaŭ ukrainskaj miažy
U Dziaržaŭnaj pamiežnaj słužbie Ukrainy zajaŭlajuć, što aŭtamabil, jaki nibyta sprabavaŭ prarvacca praź dziaržaŭnuju miažu Biełarusi niepadalok ad biełaruskaha punktu propusku «Alaksandraŭka», nie pierasiakaŭ dziaržaŭnuju miažu Ukrainy.
«U vyniku papiaredniaj pravierki vyśvietliłasia, što aŭtamabil z numarami biełaruskaj rehistracyi nie pierasiakaŭ miažu ani na ŭjezd, ani na vyjezd», — skazaŭ Radyjo Svaboda daradca staršyni Dziaržaŭnaj pamiežnaj słužby Ukrainy Aleh Słabadzian.
U toj ža čas, pavodle jaho, u rajonie incydentu jość peŭnyja abšary, na jakich znachodziacca nasielenyja punkty, i praź ich možna pierajechać z ukrainskaj na biełaruskuju terytoryju, minujučy pamiežnyja punkty propusku.
«Zaraz praciahvajecca pravierka, što adbyłosia, i našy biełaruskija kalehi sprabujuć ustanavić asoby hramadzian, jakija znachodzilisia ŭ aŭtamabili, bo ŭ ich nie było dakumientaŭ», — dadaŭ Aleh Słabadzian.
Dziaržaŭny pamiežny kamitet Biełarusi siońnia paviedamiŭ pra sprobu «praryvu» praź dziaržaŭnuju miažu Biełarusi ŭ rajonie prapusknoha punktu «Alaksandraŭka» z užyvańniem tabielnaj zbroi.
Kamientary