Navukoŭcy paviedamili ab karlikavaj płaniecie pad nazvaj DziDzi, jakaja znachodzicca na «zadvorkach» Soniečnaj sistemy. Pra heta paviedamlaje Tut.by sa spasyłkaj na Science Daily.
Bujny abjekt akazaŭsia ŭ try razy dalej ad Sonca, čym Płuton. Ciapier adlehłaść pamiž DziDzi i Soncam — 92 astranamičnyja adzinki, abo prykładna 13,7 młrd kiłamietraŭ.
Adzin vitok vakoł Sonca karlikavaja płanieta ździajśniaje prykładna za 1100 ziamnych hadoŭ. Śviatło ad DziDzi da Ziamli dachodzić za 13 hadzin, mierkavanaja tempieratura tam — kala -240 hradusaŭ Celsija.
Dyjamietr karlikavaj płaniety — 635 kiłamietraŭ. Pamiery jaje pierasieku paraŭnalnyja z płoščaj Biełarusi: praciahłaść našaj krainy z poŭnačy na poŭdzień składaje 560 km, z uschodu na zachad — 650 km. Pry takich pamierach niabiesny abjekt pavinien vałodać dastatkovaj masaj, kab mieć śfieryčnuju formu i traplać pad vyznačeńnie «karlikavaja płanieta».
Nazva DziDzi (DeeDee) — nieaficyjnaje skaračeńnie słoŭ Distant Dwarf — «addaleny karlik». Pry adkryćci abjekt atrymaŭ nazvu 2014 UZ224.
DziDzi vyjavili jašče ŭ kancy 2016 hoda ŭ ramkach ahladu Dark Energy Survey, metaj jakoha było vyvučeńnie ciomnaj enierhii. «Razhladzieć» jaje bolš padrabiazna ŭdałosia z dapamohaj kompleksu radyjoteleskopaŭ ALMA (Atacama Large Millimeter Array) u Čyli.
Adkryćcio DziDzi paćviardžaje, što sučasnyja technałohii zdolnyja vyjaŭlać vielmi addalenyja i pavolnyja abjekty na ŭskrainach Soniečnaj sistemy. Mahčyma, mienavita jany dapamohuć dakazać isnavańnie «Płaniety X», na jakuju astranomy palujuć z 2016 hoda.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary