50-hadovy mahiloŭski doktar siońnia znachodzicca pad vartaj. Jamu pahražaje da 10 hadoŭ pazbaŭleńnia voli z kanfiskacyjaj majomaści.
Chirurha vinavaciać u atrymańni chabaru i słužbovym padłohu.
Śledstvam ustanoŭlena, što abvinavačany nieadnarazova atrymlivaŭ chabar za afarmleńnie i vydaču zaviedama niepraŭdzivych listkoŭ niepracazdolnaści.
Z kastryčnika 2014 hoda pa vierasień 2016 chirurh vypisaŭ 117 iłžyvych listkoŭ niepracazdolnaści 70 fiktyŭna chvorym hramadzianam, paviedamiła Aksana Salaniuk, aficyjny pradstaŭnik SK pa Mahiloŭskaj vobłaści.
Naprykład, adzin z «pacyjentaŭ» chirurha 12 razoŭ znachodziŭsia na balničnym, ź ich 8 razoŭ fiktyŭna.
Što tyčycca dyjahnazaŭ, jakija staviŭ doktar, to heta byli albo ŭdar stupni, albo ŭdar łokcia. Adpaviedna takija dyjahnazy, a taksama častaja adsutnaść na pracy, vyklikali padazreńnie ŭ supracoŭnikaŭ kadravaha aparatu adnaho z pradpryjemstvaŭ horada, dzie pracavaŭ adzin ź jaho «pacyjentaŭ».
Z materyjałaŭ spravy vynikaje, što ŭ jakaści chabaraŭ za pradastaŭleńnie łžyvych listkoŭ niepracazdolnaści abvinavačvany atrymlivaŭ ad 180.000 da 500.000 niedaminavanych rubloŭ.
Materyjały kryminalnaj spravy nakiravanyja ŭ sud.
Kamientary