U aŭtorak u Minsku pravaachoŭnymi orhanami zatrymany pieršy namieśnik staršyni Biełkaapsajuza Dźmitryj Baranaŭ. Hetuju infarmacyju TUT.BY paćvierdzili dźvie nie źviazanyja adna z adnoj krynicy.
«Śledčym kamitetam u ramkach rasśledavańnia kryminalnaj spravy ab karupcyi ŭ jakaści padazravanaha pryciahnuty adzin z kiraŭnikoŭ Biełkaapsajuza. Pravodzicca rasśledavańnie», — zajaviła TUT.BY aficyjny pradstaŭnik Śledčaha kamiteta Julija Hančarova. Havorka idzie pra artykuł 430 KK (atrymańnie chabaru).
Biełkaapsajuz — bujny apieratar handlu, jaho sietka naličvaje bolš za 8 tysiač handlovych abjektaŭ i 700 aŭtamahazinaŭ. U minułym hodzie aktyŭna aśviatlalisia prablemy arhanizacyi. Za apošnija 5 hadoŭ dola spažyŭkaapieracyi ŭ abjomie roźničnaha tavaraabarotu handlu źniziłasia na 4 p.p. — da 7,1%.
U ministerstva antymanapolnaha rehulavańnia i handlu, u pryvatnaści, byli pytańni da Biełkaapsajuza ŭ častcy svoječasovaści raźlikaŭ z pastaŭščykami. Pavodle źviestak Biełstata, roźničny tavaraabarot arhanizacyj handlu spažyvieckaj kaapieracyi ŭ 2016 hodzie skłaŭ 2,2 młrd rubloŭ. Tavarnyja zapasy skłalisia na ŭzroŭni 232,6 młn rubloŭ, što raŭnasilna 42 dniam handlu.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii31
Kamientary