Pucioŭka ŭ dziciačy letni łahier budzie kaštavać u siarednim 490 rubloŭ
Siaredni košt pucioŭki ŭ dziciačy letni łahier kruhłasutačnaha znachodžańnia ŭ hetym hodzie składaje 490 rubloŭ, paviedamiła načalnik pradstaŭnictva Minskaha haradskoha ŭpraŭleńnia Respublikanskaha centra pa azdaraŭleńni i sanatorna-kurortnym lačeńni nasielnictva Iryna Sałaŭjova.
- Štohod ažyćciaŭlajecca kantrol za cenaŭtvareńniem, u košt nie ŭklučajecca prybytak, a tolki vydatki na ŭtrymańnie, — adznačyła Iryna Sałaŭjova.
Siaredni košt pucioŭki ŭ spartyŭna-azdaraŭlenčy łahier dzionnaha znachodžańnia - 120, u 9-dzionny pałatačny łahier — 112 rubloŭ, u «školny» łahier — 92 rubli.
Taksama dla patańnieńnia cany pucioŭki dla rabotnikaŭ biudžetnych arhanizacyj kamunalnaj formy ŭłasnaści praduhledžany datacyi. U zaležnaści ad typu łahiera pamier datacyi varjirujecca ad 175 da 72 rubloŭ.
— U adpaviednaści z zakanadaŭstvam baćki apłačvajuć nie mienš za 10% koštu pucioŭki, pamier datacyi — nie bolš za 40%, - raspaviała Iryna Sałaŭjova.
Infarmacyja ab svabodnych miescach u azdaraŭlenčych łahierach budzie dastupnaja anłajn.
Kamientary