U Biełarusi adbyŭsia pieršy pakaz adzieńnia dla invalidaŭ FOTY
Dyzajnier Kaciaryna Cikota prezientavała svoj novy sacyjalny prajekt — liniejku inkluziŭnych štanoŭ i kambiniezonaŭ pad ahulnaj nazvaj «Tikota inclusive».
Biezbarjernaje asiarodździe — heta nie tolki mahčymaść narmalna pierasoŭvacca pa krainie i za jaje miežami, naviedvać balnicy, teatry, vučycca va ŭniviersitetach, pracavać pa śpiecyjalnaści i zarablać hrošy. Biezbarjernaść taksama składvajecca z takoj prostaj rečy, jak dobraje, kamfortnaje adzieńnie, u jakim ty možaš vyhladać na ŭsie 100%. Na žal, amal 20 tysiač ludziej z parušeńniami aporna-ruchalnaj sistemy vymušany admaŭlać sabie navat u apošnim.
Śpis zachapleńniaŭ lidčanki Natalli Astaninaj uražvaje: jana tancuje, zajmajecca parašutnym sportam i pracuje piedahoham u śfiery inkluziŭnaj adukacyi. Na vazku jana ź dziacinstva, i pryznajecca, jak i luboj dziaŭčyncy, joj zaŭsiody chaciełasia dobra vyhladać. Adnak, kali ŭ ciabie niestandartnyja paramietry, zrabić heta składana. «Kali niešta i padychodzić pa pamiery, to heta, jak praviła, nie modnaja reč ci zusim mnie nie pasuje. Varta adznačyć, što z takoj prablemaj ja sutykałasia jak i ŭ kramach rodnaj Lidy, tak i ŭ Maskvie, kali 4 hady tam vučyłasia», — dzielicca Natalla.
Alaksandr Pankievič žyvie ŭ Dziatłavie, pracuje fryłansieram u techpadtrymcy. «Navat z maimi minimalnymi patrabavańniami da adzieńnia kožny raz jaho pošuki i prymierki padobnyja da katastrofy. Dobra, što maci dobra šyje i moža ŭsio pierakroić pad asablivaści majho cieła. Mužčyny taksama chočuć vyhladać stylna, heta važna nie tolki dziaŭčynkam», — praciahvaje temu chłopiec.
Kirujučysia paradami Respublikanskaj asacyjacyi invalidaŭ-vazočnikaŭ, Kacia Cikota pastarałasia stvaryć śpiecyjalnaje adzieńnie ŭ farmacie «inclusive clothing», jakoje b vyrašyła prablemy, ź jakimi kožny dzień sutykajucca nie tolki Alaksandr i Natalla, ale i tysiačy inšych ludziej ź invalidnaściu. Paśla čarady kansultacyj ad ludziej, dla jakich heta vopratka i stvarajecca, prymierak i ŭdakładnieńniaŭ, dyzajnier, narešcie, prezientavała svaju novuju kalekcyju ŭ Nacyjanalnym aeraporcie «Minsk».
U jakaści madelej na pakazie vystupili jak sami vazočniki, siarod jakich byli paralimpijskija čempijony, aktyvisty, błohiery i studenty, tak i znakamityja hości: televiadoŭca Dzianis Dudzinski, śpiavačka Volha Saciuk, «Mis Biełaruś-2008» Volha Chižynkova i inšyja.
Vy spytajecie, čym adroźnivajecca inkluziŭnaje adzieńnie ad zvyčajnaha? Jano pavinna praduhledžvać zavyšanuju taliju, kab było zručna nachilacca i pierasadžvacca ŭ mašynu, adsutnaść kišeniaŭ i lubych inšych elemientaŭ na zadniaj častcy štanoŭ. Doŭhaja šyrynka, piacielki dla padciahvańnia, dadatkovyja małanki źnizu dla lohkaści źniaćcia džynsaŭ — heta daloka nie poŭny śpis patrabavańniaŭ, jakija značna palahčajuć žyćcio ludziej ź invalidnaściu.
Paśla prezientacyi dyzajnier źbirajecca dapracoŭvać i ŭdaskanalvać svaju kalekcyju. Ci budzie hetaja ideja ŭvasoblena ŭ masavaj vytvorčaści, zaležyć ad taho, nakolki zacikaviacca joj pradstaŭniki lohkaj pramysłovaści. «Było b cudoŭna, kab inkluziŭnaje adzieńnie vyjšła daloka za ramki adnaho pakazu», — maryć Kacia Cikota.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary