Novy siezon «Džazavych viečaroŭ» kala minskaj ratušy startuje 10 červienia. Pra toje, čym ździvić muzyčny prajekt minčan i haściej stalicy, arhanizatary raskazali žurnalistam, pieradaje BIEŁTA.
Hetym letam na scenie Vierchniaha horada vystupiać muzykanty z ZŠA, Niderłandaŭ, Francyi, Čyli, Tunisa, Turkmienistana i Biełarusi. U afišy značacca vakalnyja i instrumientalnyja numary roznych stylaŭ i napramkaŭ: etna-džaz, kłasičny džaz, śvinh, aryjentał-džaz, fjužn, džaz-fank, džaz-soŭł, madern-džaz, mejnstrym, rytm-end-bluz, kantemparary i inš. Śpiecyjalny hość - pieramožca respublikanskaha konkursu «Talent krainy», łaŭreat pieršaj premii konkursu «Džaz-tajm — 2016», uładalnica Hran-pry konkursu «Džaz-momant — 2016» siamihadovaja pijanistka Safija Kurłovič z Salihorska.
«My padrychtavali raznastajnuju prahramu, jakaja budzie cikavaja jak daśviedčanaj publicy, tak i vypadkovym prachožym. Prahučać papularnyja tvory, aŭtarskaja, esteckaja muzyka, džazavyja impravizacyi. Taksama zapłanavany majstar-kłasy znakamitych zamiežnych muzykantaŭ. Słuchačam buduć pradstaŭleny i dasiahnieńni biełaruskich vykanaŭcaŭ. Finalnym akordam stanie masavaje vykanańnie adnoj z najbolš papularnych džazavych miełodyj «Karavan», — paviedamiŭ muzyčny pradziusar prajekta Andrej Kalina.
Pavodle słoŭ namieśnika načalnika ŭpraŭleńnia kultury hałoŭnaha ŭpraŭleńnia ideałahičnaj raboty, kultury i pa spravach moładzi Minharvykankama Alaksandra Šastakova, «Džazavyja viečary» stali adnymi z najbolš naviedvalnych mierapryjemstvaŭ letniaha turystyčnaha siezona ŭ Vierchnim horadzie. «Heta dobry prykład dziaržaŭna-pryvatnaha partniorstva. Prajekt pradastaŭlaje žycharam stalicy mahčymaść aznajomicca z najlepšaj džazavaj muzykaj i vykanaŭcami», — adznačyŭ jon.
Zorkaj viečara 10 červienia budzie znakamity Skot Chiendersan (ZŠA), uładalnik zvańniaŭ «Džazavy hitaryst numar 1» (pa viersii časopisa Guitar World) i «Najlepšy džazavy hitaryst» (pa viersii Guitar Player). Jon vystupić u supravadžeńni francuzskich muzykantaŭ Arčybalda Łahańjera (bas) i Ramana Łabaje (barabany). Taksama na scenu vyjduć: śpiavak i multyinstrumientalist Charysan Janh (ZŠA/Niderłandy), etna-džazavy duet Agata (Biełaruś), VIP-jazz Andreja Słavinskaha.
17 červienia svaju prahramu pradstavić bas-hitaryst Kryścijan Hałviez (Čyli), uładalnik premii Altazor jak najlepšy džazavy vykanaŭca Łacinskaj Amieryki ŭ 2000 i 2004 hadach, a taksama naminant American Music Awards 2005, jaki vystupić z trubačom Kryścijanam Kuciurufa (Čyli) i barabanščykam Nazaram Redžepavym (Turkmienistan). Taksama hledačoŭ čakaje sustreča z kancertnym arkiestram Barysa Miahkova (Biełaruś) i «Trya Kanstancina Haračaha» (Biełaruś).
Muzyčnuju estafietu 24 červienia padchopić Kliŭlend Džons (ZŠA) — śpiavak, kampazitar, vykonvajučy simbijoz hośpieła, rytm-end-bluza, fanka i tradycyjnaha džaza, uładalnik biaźmiežnych vakalnych mahčymaściej i zvańnia «Adkryćcio hoda» ad aŭtarytetnaha sajta SoulTracks.com. Taksama vystupiać: kampazitar, hitaryst, lutnist i śpiavak Nabil Chiemir (Tunis), vakalny kvartet Minsk Voices (Biełaruś), Premier Orchestra (Biełaruś).
«Džazavyja viečary» pad adkrytym niebam projduć u stalicy piaty raz. Arhanizatarami mierapryjemstva vystupajuć Minharvykankam, kancertnaje ahienctva «4A-Ivient» i AAT «Bank BiełVEB».
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary