Viarchoŭnaja rada Ukrainy bolšaściu hałasoŭ pryniała zakonaprajekt, jaki aficyjna zamacoŭvaje imknieńnie krainy stać čalcom Paŭnočnaatłantyčnaha aljansu.
Za hetaje rašeńnie vykazalisia 276 z 357 deputataŭ parłamienta, jakija zarehistravalisia ŭ zale hałasavańnia.
Frakcyja «Apazicyjny błok» u poŭnym składzie admoviłasia ad udziełu ŭ hałasavańni.
Aŭtary zakonaprajekta, u liku jakich śpikier Rady Andrej Parubij, pieršy vice-śpikier Iryna Hieraščanka i eks-ministr zamiežnych spraŭ Barys Tarasiuk, tłumačyli nieabchodnaść pahłybleńnia supracoŭnictva z NATA žadańniem zabiaśpiečyć harantyi suvierenitetu i terytaryjalnaj cełasnaści Ukrainy.
«Ahresija Rasijskaj Fiederacyi suprać Ukrainy, anieksija častki ŭkrainskaj terytoryi pastaviła pierad ukrainskaj dziaržavaj nieadkładnuju zadaču adnosna realnaha harantavańnia nacyjanalnaj biaśpieki krainy», — kazałasia ŭ tłumačalnaj zapiscy da dakumienta.
Prezident Ukrainy Piatro Parašenka nieadnarazova zajaŭlaŭ, što ŭstupleńnie ŭ NATA zastajecca stratehičnaj metaj Ukrainy.
U lutym hetaha hoda jon paviedamiŭ, što va Ukrainie projdzie refierendum ab ŭvachodžańni ŭ aljans i paabiacaŭ zrabić usio mahčymaje, kab damahčysia siabroŭstva ŭ NATA, kali za heta prahałasuje narod Ukrainy.
-
Tehieran paćvierdziŭ hibiel Ali Łarydžani. Ź jaho źniščeńniem ułada ŭ Iranie moža pierajści ad fanatykaŭ da prahmatykaŭ
-
«Finski palityk», jakoha štodnia cytujuć kramloŭskija i łukašysckija ŚMI, akazaŭsia santechnikam biez hramadzianstva Finlandyi
-
KVIR paćvierdziŭ hibiel kiraŭnika vajenizavanaha apałčeńnia «Basidž»
Kamientary