Jašče krok da hałasavoha kiravańnia mašynami: štučny intelekt navučyŭsia raspaznavać hałoŭny hołas siarod niekalkich
Mitsubishi Electric Corporation abviaściła, što jana stvaryła pieršuju ŭ śviecie technałohiju, jakaja adździalaje, a zatym rekanstrujuje z vysokaj jakaściu adnačasovy vystup niekalkich ludziej, zapisanych z dapamohaj adnaho mikrafona ŭ režymie realnaha času.
U testach adnačasovyja vystupy dvuch i troch čałaviek, byli padzielenyja z dakładnaściu da 90 i 80 adsotkaŭ adpaviedna, što kampanija ličyć vialikim dasiahnieńniem. Novaja technałohija, jakaja była realizavanaja pry dapamozie zapatentavanaha Mitsubishi Electric mietadam Deep Clustering na asnovie štučnaha intelektu, jak čakajecca, budzie spryjać bolš jakasnaj hałasavoj suviazi i bolš dakładnamu aŭtamatyčnamu raspaznavańniu havorki.
U vypadku z dvuma adnačasovymi śpikierami, dakładnaść pieravysiła 90%, što bolš čym dastatkova dla jakasnaj pracy hetaj technałohii, asabliva ŭ paraŭnańni z dakładnaściu 51%, jakaja była dasiahnutaja raniej z vykarystańniem tradycyjnaj technałohii.
Novaja technałohija zdolnaja adroźnivać navat spałučeńni niekalkich najbolš raspaŭsiudžanych movaŭ, a taksama hałasy mužčyn, žančyn i dziaciej.
Pryviedzienyja vyšej vyniki zasnavanyja na idealnych umovach zapisu, u tym liku pry nizkim ŭzroŭniem šumu navakolnaha asiarodździa i prykładna adnolkavaj hučnaściu hałasoŭ śpikieraŭ.
Technałohija Deep Clustering vykarystoŭvaje ułasny mietad Mitsubishi Electric, kab daviedacca, jak kadavać kampanienty sihnału zychodnych maŭlenčych dadzienych niekalkich ludziej, tak što kampanienty sihnału, jakija adnosiacca da kožnaha asobnaha čałavieka, možna lohka adroźnić pa ich kadziroŭcy.
Pa słovach aŭtaraŭ prajektu Entani Vietra i Jochiei Okato, u bolšaści sistem zadača padziełu hałasoŭ vyrašajecca pry dapamozie ŭstanoŭki dvuch abo bolšaj kolkaści mikrafonaŭ, ale ŭ vypadku vykarystańnia ŭsiaho adnaho mikrafona, z zadačaj padziełu hołasu moža spravicca tolki štučny intelekt.
Vykarystoŭvać hetuju technałohiju možna tam, dzie patrabujecca vysokaja dakładnaść raspaznavańnia hałasavych paviedamleńniaŭ, naprykład, u sistemach hałasavoha kiravańnia aŭtamabilami, liftami, bytavymi i inšymi elektronnymi pryładami.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA6
Kamientary