Šanoŭnaje spadarstva! U hetyja piatnicu (16.06, 19.00) i subotu (17.06, 14.00) adbuducca biaspłatnyja ekskursii pa Asmałoŭcy ŭ ramkach prajektu «Vandroŭki ŭ minułaje»! Pakolki nad kvartałam navisła pahroza znosu, to skarystajcie šaniec pabačyć hety cudoŭny kutočak našaha horadu!
Padčas hetaj vandroŭki my pabyvajem u kazačnaj Asmałoŭcy i jaje vakolicach.
My pahutarym pra Maksima Bahdanoviča i miesca jaho naradžeńnia, pabačym Treci Dom Savietaŭ, projdziem kala byłoj Duchoŭnaj sieminaryi, a paśla zahłybimsia va ŭtulnyja, cichija, niezvyčajnyja i kałarytnyja dvoryki cudoŭnaj Asmałoŭki. Miesca hetaje maje vielmi svojeasablivuju atmaśfieru i anikoha nie pakinie raŭnadušnym!
A naprykancy nas budzie čakać znakamity brovar «Alivaryja» ź jaho cikavaj historyjaj, śmiešnymi vypadkami i spakuślivymi vodarami.
Maršrut: pomnik Maksimu Bahdanoviču — vulica Maksima Bahdanoviča — Asmałoŭka — brovar «Alivaryja».
Sustrakajemsia la pomnika Maksimu Bahdanoviču.
Kamientary