30 červienia ŭ balnicy pamior vajskoviec 38-j hvardziejskaj desantna-šturmavoj bryhady Alaksiej Apiakun.
U Brest 18-hadovy Alaksiej Apiakun pryjechaŭ z Hrodna. Słužbu prachodziŭ u 38-j bryhadzie. Pavodle nieaficyjnych dadzienych, niezadoŭha da trahiedyi ŭ chłopca padniałasia vysokaja tempieratura. 30 červienia jaho dastavili ŭ balnicu. Niahledziačy na ŭsie namahańni miedykaŭ, vyratavać jaho nie ŭdałosia. Jon pamior u toj ža dzień u balnicy.
— Jon vielmi chacieŭ pajści ŭ vojska. Heta była jaho mara, — paviedamiła svajačka Alaksieja. — Jon imknuŭsia da hetaha, telefanavaŭ nam kožnuju niadzielu. Jamu tam usio padabałasia, i jon byŭ vielmi zadavoleny. Jon navat nikudy paśla škoły nie pastupaŭ — chacieŭ pajści słužyć mienavita ŭ PDV. Chacieŭ, viadoma, u Minsk, ale tak atrymałasia, što trapiŭ u Brest.
Pa słovach surazmoŭnicy, padčas słužby brat rehularna stelefanoŭvaŭsia z baćkami, ale na zdaroŭje nie skardziŭsia:
— U apošniuju niadzielu (25 červienia) jon telefanavaŭ i skazaŭ, što było horača. Jany biehli i im dazvolili vykupacca ŭ chałodnaj vadzie».
U pres-słužbie Ministerstva abarony paćvierdzili fakt śmierci maładoha čałavieka. Papiaredni dyjahnaz — pnieŭmanija.
— Pravierku pa hetym fakcie pravodzić ŭpraŭleńnie Śledčaha kamiteta pa Bresckaj vobłaści, — paviedamiŭ pres-sakratar hałoŭnaha ŭpraŭleńnia ideałahičnaj raboty Minabarony Uładzimir Makaraŭ, dadaŭšy, što vajskovaje viedamstva prynosić ščyryja spačuvańni rodnym i blizkim zahinułaha.
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja6
Kamientary