Nacyjanalistyčnaja partyja Banhładeš pieramahaje na pieršych paśla paŭstańnia vybarach
Nacyjanalistyčnaja partyja Banhładeš (NPB) atrymała rašučuju pieramohu na niadaŭnich parłamienckich vybarach, atrymaŭšy dźvie traciny miescaŭ, piša Bi-bi-si.
Pavodle apošnich źviestak, NPB i jaje sajuźniki atrymajuć jak minimum 212 z 299 miescaŭ u Pałacie nacyi — adnapałatnym parłamiencie. Isłamski sajuz («Džamaat-i-Isłami») i jaho sajuźniki, vierahodna, atrymajuć kala 70 miescaŭ.
Byłaja kiroŭnaja partyja, Liha Avami, z maja minułaha hoda zabaroniena i ŭ vybarach nie ŭdzielničała. Jaje lidar Šejch Chasina ŭznačalvała ŭrad bolš za 15 hadoŭ i była zrynuta ŭ vyniku masavych pratestaŭ letam 2024 hoda. Jana źbiehła ŭ susiedniuju Indyju.
Paśla paŭstańnia krainy časovy ŭrad Banhładeš uznačaliŭ łaŭreat Nobieleŭskaj premii miru Muchamad Junus, jaki da taho žyŭ u Paryžy. Mienavita jon prasoŭvaŭ hetyja palityčnyja reformy, za jakija ciapier hałasavali na refierendumie jaho suhramadzianie.
«Ź siońniašniaha dnia ŭ nas jość mahčymaść z kožnym našym novym krokam budavać novy Banhładeš. Heta śviata, dzień radaści, dzień svabody, kaniec našym kašmaram. Ja vinšuju vas usich», — skazaŭ Junus u dzień vybaraŭ.
Jak pieradajuć suśvietnyja ahienctvy, dzień hałasavańnia ŭ cełym prajšoŭ adnosna spakojna: miascovyja ŭłady paviedamlali tolki pra niekalki incydentaŭ. Presa publikavała fota i videa doŭhich čerhaŭ da vybarčych učastkaŭ.
Jak pieradaje Reuters, ručny padlik papiarovych biuleteniaŭ budzie praciahvacca jak minimum da 12:00 piatnicy.
NPB užo padziakavała vybarščykam za ich hałasavańnie i zaklikała da śpiecyjalnych malitvaŭ u piatnicu za krainu i jaje žycharoŭ. Čakajecca, što lidar NPB Taryk Rachman budzie pryviedzieny da prysiahi ŭ jakaści premjer-ministra.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary