Revalucyja ŭ čystcy zuboŭ: ščotka-aŭtamat čyścić za 10 siekund VIDEA
Siaredniestatystyčny čałaviek tracić na čystku zuboŭ ad 50 da 100 dzion svajho žyćcia. Stamatołahi kažuć, što redka chto čyścić zuby naležnyja try chviliny. Niekatoryja navat prapuskajuć viečarovuju čystku z-za mocnaj stomlenaści paśla ciažkaha dnia. Ale ŭsio moža źmianicca, kali ŭ prodažy źjavicca aŭtamatyčnaja ščotka, jakaja sama pačyścić vašyja zuby ŭsiaho za 10 siekund!
Na suśvietnaj kraŭdfandynhavaj placoŭcy Kickstarter źjaviŭsia prajekt Amabrush, jaki pretenduje na revalucyju ŭ hihijenie rotu. Na zapusk vytvorčaści aŭtamatyčnaj zubnoj ščotki pieršapačatkova aŭtary prasili 50 tysiač jeŭra. U vyniku prajekt nastołki zacikaviŭ ludziej, što Amabrush sabrała ŭžo amal miljon!
Ščotka razbornaja i składajecca z troch častak: miakkaha muštuka sa ščacinkami, jaki ŭstaŭlajecca ŭ rot, matorčyka, jaki stvaraje mocnyja vibracyi, a taksama kapsuły z zubnoj pastaj, jakaja samastojna ŭśpieńvajecca i pry dapamozie mikrapompy aŭtamatyčna nanosicca na zuby.
Muštuk zrobleny z antybakteryjalnaha silikonu i lohka myjecca pad vadoj. Daśledčyki kampanii vyvučyli bolš za 2000 roznych typaŭ skivicaŭ i raspracavali ŭnikalnuju sistemu čystki zuboŭ. Elektronnaja častka zaradžajecca z dapamohaj biespravadnoj dok-stancyi. Adnaho zaradu chapaje ŭ siarednim na 28 dziesiacisiekundnych čystak. Kapsuła z zubnoj pastaj dałučajecca da ščotki z dapamohaj mahnita. Adnoj kapsuły chapaje na miesiac čystki zuboŭ.
Vytvorca zapeŭnivaje, što vypuścić roznyja varyjanty kapsuł pa košcie ŭsiaho €3 za štuku.
Jak i zvyčajnuju ručnuju zubnuju ščotku, muštuk aŭtamatyčnaj ščotki treba mianiać kožnyja 3-6 miesiacaŭ. Adzin muštuk budzie kaštavać €6.
Paviedamlajecca, što pieršyja ščotki adpraviacca da pakupnikoŭ u śniežni, a ich košt budzie pačynacca z 69 jeŭra.
Raźviedka ZŠA: Biełaruś stała pieradavym vajskovym płacdarmam Rasii24
Kamientary