Łatvijskaja armija nie budzie ŭdzielničać u vučeńniach Balex Delta, jakija pavinny byli prajści ŭ Kalininhradskaj vobłaści 26—28 žniŭnia. Takoje rašeńnie pryniata ŭradam Łatvii.
U pres‑słužbie łatvijskaha ŭrada nie patłumačyli, čym było matyvavana takoje rašeńnie. Pry hetym
u Minabarony Łatvii zaznačyli, što admova ad udziełu ŭ sumiesnych vučeńniach była vyklikana «źmienaj ahulnych pryjarytetaŭ NATO».
Raniej niekalki zachodnich krain užo zajavili ab admovie ŭdzielničać u sumiesnych z Rasijaj vučeńniach. Rasijskaja Fiederacyja zajaviła ab anałahičnych dziejańniach, a taksama ab admovie pryniać vizit u port na Kamčatcy amierykanskaha vajennaha karabla.
Adnosiny Rasii i NATO abvastrylisia paśla rasijskaj vajennaj apieracyi ŭ Hruzii. Maskva i Brusiel zamarozili šerah kirunkaŭ supracoŭnictva.
Ciapier čytajuć
Što Babaryka i Kaleśnikava adkazali na pytańni pra vajnu85
Kamientary