22 lipienia ŭ milicyju źviarnułasia žycharka ahraharadka Starasielle z paviedamleńniem ab vandaliźmie na miascovych mohiłkach. Padazravanymi akazalisia raniej nie sudzimyja 21-hadovy i 22-hadovy žychary Minska.
Vyśvietliłasia, što napiaredadni chłopcy pryjechali pahaściavać da svaich babulek u Krupski rajon. Zatym unuki sustrelisia i vyrašyli adznačyć svoj pryjezd. Viečar nie abyjšoŭsia bieź śpirtnoha. Kali mocnyja napoi skončylisia, padazravanyja adpravilisia da svajho pryjaciela na susiedniuju fiermu.
Tam zastolle praciahnułasia. Kali znoŭ skončyŭsia ałkahol, staličnyja hości adpravilisia na mohiłki u nadziei, što tam znojdziecca vypiŭka. Adnak čakańni nie apraŭdalisia. Ci to ad złości, ci to z pryčyny mocnaha apjanieńnia vandały stali razburać pomniki. Ź jakoj pryčyny ździejśniena dadzienaje chulihanstva, nie mohuć patłumačyć i sami padazravanyja. Suma naniesienaj škody składaje kala 1000 biełaruskich rubloŭ.
Raspačata kryminalnaja sprava. Minčukam pahražaje da 6 hadoŭ pazbaŭleńnia voli.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary