Biuro arhkamiteta pa stvareńni Partyi svabody vyrašyła vyłučyć svajho staršyniu Siarhieja Skrabca kandydatam na prezydenckija vybary 2020 hoda.
«My abmiarkoŭvali na biuro ŭdzieł našych aktyvistaŭ u miascovych vybarach i taksama razhladali hetuju kampaniju, jak častku prezidenckaj, — raskazaŭ Skrabiec Svabodzie. — I ŭźnikła pytańnie: kaho my padtrymajem na vybarach kiraŭnika dziaržavy? Pakolki pakul adzinaha kandydata ad demakratyčnych siłaŭ niama, to vyrašyli, što rychtavacca budu ja. Dumaju, što praz try hady Alaksandra Łukašenki ŭžo nie budzie ŭ liku pretendentaŭ. Tamu hatovy pazmahacca za pasadu z Hajdukievičam, starejšym ci małodšym».
Siarhiej Skrabiec paviedamiŭ, što na miascovych vybarach, jakija adbuducca ŭ lutym 2018 hoda, Partyja svabody budzie vyłučacca tolki ŭ haradskija saviety bujnych haradoŭ. Najpierš heta Minsk, Hrodna i Brest.
Raniej Skrabiec dvojčy sprabavaŭ udzielničać u prezidenckaj kampanii. U 2001 hodzie Centralnaja vybarčaja kamisija pryznała sapraŭdnymi tolki 37 tysiač podpisaŭ na jahonuju karyść pry nieabchodnym minimumie 100 tysiač. U 2006 hodzie Centarvybarkam admoviŭsia zarehistravać jahonuju inicyjatyŭnuju hrupu, bo na toj čas palityk znachodziŭsia ŭ turmie.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary