«Aleksandryja» — BATE — 1:2.
Vielmi ciažki matč vydaŭsia ŭ biełaruskaha čempijona va Ukrainie. Pieršaja hulnia tydzień tamu ŭ Barysavie skončyłasia ničyjnym vynikam — 1:1. Taki lik zadavolvaŭ našych supiernikaŭ, jany mahli prosta sušyć hulniu. BATE ž abaviazkova treba było zabivać.
Pieršy tajm prajšoŭ pad dyktoŭku «Aleksandryi». Pa ŭdarach pa varotach jany pieraŭzyšli naš kłub ź likam 7:3. Hoł ža byŭ zabity tolki adzin. U dastatkova sprečnym momancie sudździa pryznačyŭ pienalci za foł Stanisłava Drahuna.
Hrycuk z adzinaccacimietrovaj kropki prabiŭ dakładna, chacia Dzianis Ščarbicki i ŭhadaŭ kirunak udara, ale nie zmoh daciahnucca.
Pa vialikim rachunku prapuščany hoł ničoha nie mianiaŭ dla BATE, im usio adno treba było zabivać hoł.
Vidać, vyrašalnym momantam u druhim tajmie stałasia traŭma centralnaha abaroncy «Aleksandryi» Vitala Panamara, jakuju jon atrymaŭ u sutyku z Stanisłavam Drahunom.
Centr abarony ŭkrainskaj kamandy pry hetym ahaliŭsia. I heta dało mahčymaść BATE stvarać niebiaśpiečnyja momanty.
Dva hały BATE zabiŭ ciaham piaci chvilin. Abodva razy adznačyŭsia naš sierbski paŭabaronca Mirka Ivanič. Spačatku jon adreahavaŭ na pas Niemańji Mułanaviča i prakinuŭ miač miž noh ukrainskaha bramnika. A paśla ŭžo ŭdaram hałavoj złaviŭ kipiera na supraćchodzie — 2:1.
«Aleksandryja» tak i nie zmahła stvaryć ničoha vartaha la varotaŭ BATE. Naš čempijon zabiaśpiečyŭ sabie jeŭrakubkavuju vosień.
Losavańnie hrupavoha turniru Lihi Jeŭropy projdzie ŭ piatnicu. 48 kamandaŭ buduć raźbityja na 12 hrupaŭ. Pieršy tur — 14 vieraśnia.
* * *
BATE hulaŭ u hrupavym turniry Lihi Jeŭropy dvojčy. U 2009-2010 hh., tady supiernikami biełaruskaha kłuba byli «Bienfika», AJEK i «Eviertan», BATE zaniaŭ 3-je miesca i nie zmoh prabicca ŭ 1/16 finału.
U siezonie 2010-2011 hh. BATE hulaŭ u adnoj hrupie z kijeŭskim «Dynama», małdoŭskim «Šeryfam» i niderłandskim AZ, finišavaŭ na 2-m miescy, a zatym u 1/16 finału sastupiŭ PSŽ, pryčym ni razu nie prajhraŭšy (2:2, 0:0).
U hrupavym turniry Lihi čempijonaŭ BATE hulaŭ piać razoŭ za 10 hod, pieršy raz u siezonie 2008/2009, a ŭ minułym hodzie nie zdoleŭ prabicca ni ŭ hrupavy turnir ŁČ, ni ŭ LE, jak i ŭ siezonie 2013-2014
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary