Ministar Šapira: Prahrama pavyšeńnia efektyŭnaści sielskaj haspadarki pravaliłasia
Tolki 3 haspadarki z 60-ci, što byli vyznačanyja ŭ jakaści majakoŭ, dasiahnuli ŭzroŭniu rentabelnaści, nieabchodnaha dla samafinansavańnia.
Ministar sielskaj haspadarki i charčavańnia Siamion Šapira na pasiadžeńni prezydyjumu Saŭminu pryznaŭ pravał «prahramy padvyšeńnia ekanamičnaj efektyŭnaści sielskaj haspadarki» na asnovie pradpryjemstvaŭ, vyznačanych u 2003 hodzie ŭ jakaści bazavych. Pad takimi mielisia na ŭvazie svajho rodu pradpryjemstvy-majaki, u jakija dziaržava ŭvaliła vialikija srodki i ź jakich chacieła zrabić uzory dla pierajmańnia. Hetak u Sajuzie stvarali kałhasy-ardenanoscy šlacham vyłučeńnia im vializnych datacyj na techniku i sackultbyt.
«Na siońnia ŭzroŭniu 1990 hodu dasiahnuli ŭ vytvorčaści małaka 6 z 59 sielhasarhanizacyjaŭ, u vytvorčaści žyvioły i ptuški — 38, u vytvorčaści zbožža — 58. Usiaho try haspadarki dasiahnuli rentabelnaści, patrebnaje dla samafinansavańnia», — zajaviŭ S. Šapira.
Miž tym za 2004—2007 hady ŭ hetyja bazavyja haspadarki skiravali kala 400 młn dalaraŭ, ź ich dźvie traciny z Respublikanskaha fondu padtrymki sielhasvytvorcaŭ i tracinu ź miascovych biudžetaŭ. Taksama im vydavali techniku ŭ lizynh i ŭhnajeńni. Siaredniaje finansavańnie ich dasiahnuła 565 tys. rubloŭ na hiektar. Varta pryznać, što heta ŭsio ž na paradak mienš, čym składajuć datacyi sialanam u Eŭrasajuzie.
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary