Śviata horadu praz kardon milicyi

Z čym možna źviazać ahulnuju niezadavolenaść uzroŭniem arhanizacyi śviatočnych mierapryjemstvaŭ? Nadvorje, sotni milicyjantaŭ i kardony, prahrama ci prosta niesupadzieńnie čakanaha z atrymanym?

Peŭna, kožny z vyšejzhadanym faktaraŭ paŭpłyvaŭ na ahulnaje ŭspryniaćcio i ŭražańni. Biezumoŭna, byli i arhanizacyjnyja chiby. Zrešty, niekatoryja zachady pravaachoŭnych orhanaŭ mnoju vitajucca, nasampierš zabarona raśpivać śpirtovyja napoi i pranosić ich na płošču.

Abureńnie ŭ dadzienym vypadku - pytańnie kultury śviatkavańnia, jakoje, viadoma, časta źviazana mienavita z «rytuałam» raśpićcia harełki ci piva.

Šakavała ludziej j toje, što achoŭvali prezydenta zanadta pilna, što stvarała i pieraškody ŭ pierasoŭvańni i prosta niepryjemnyja momanty kantaktu ź ludźmi ŭ cyvilnym. Tut varta razumieć, u jakoj krainie my žyviem, i kali toje nie vidavočna zboku, dyk choć niepasredna.

Nie mahu skazać, što arhanizacyjnyja momanty ci kardony ŭ centry mianie mocna začapili. Ad samoha pačatku nie źbiraŭsia prysutničać na płošču ź niekalkich pryčynaŭ. Pa-pieršaja, nie dla mianie heta, pa-druhoje, navat pry žadańni tudy b i nie patrapiŭ.

Što tyčycca nas, biezumoŭna čakali asabliva pilnaha kantrolu. Čakańni apraŭdalisia - užo ŭ sieradu moj baćka mieŭ hutarku z načalnikam milicyi i supracoŭnikam KDB. Było vidavočna, što lubaja publičnaja akcyja ci navat adnaasobnaje dziejańnie na vačoch u kiraŭnictva krainy mahło kaštavać pasady.

Tym nia mienš, my raźličvali biez pryhodaŭ razdać novy numar hazety ŭ čaćvier. Akcyj na płoščy naohuł nie planavali, bo niemetazhodna pakidać zdaroŭje na płoščy dziela zaciemki pra «kryvavaść režymu» u internecie i čarhovuju dziorzkuju akcyju maładafrontaŭcaŭ. Ale ŭžo ŭ čaćvier, za dva dni da pryjezdu Łukašenki bieź incydentaŭ nie abyšłosia.

Zatrymali «ludzi ŭ cyvilnym», supracoŭniki mienskaj milicyi. Pavodzili sabie pa-źviersku. I heta nia prosta typovy dopis pra zatrymańnie apazcyjaneraŭ. Bo nasamreč, było kryŭdna i niezrazumieła takoje staŭleńnie da nas, maju na ŭvazie nie fizyčnyja aspekty. Choć u Chryściny Samojłavaj i zastalisia siniaki na rukach.

Dalej — standartnyja dla niepaŭnahadovych niekalki hadzinaŭ u pastarunku, pahroza aryštu dla vasiemnaccacihadovaha Hleba Snorkina, razmova ź kiraŭnictvam milicyi i supracoŭnikam KDB. Paśla pryjezd baćkoŭ, niečakanaje aznajamleńnie z sankcyjaj prakurora na pieratrus u suviazi z pravierkaj pa fakcie «padrychtoŭki masavych dziejańniaŭ hruba parušajučych hramadzki paradak». Sprava fiktyŭnaja, navat kali i jość. Dy j praciahu nia budzie. Zatoje była pahroza kanfiskacyi kamputaraŭ, što ŭžo bolš realna i niepryjemna. Prybieh Illa z treniroŭki. Učyniŭ patasoŭku ź milicyjaj praź vinčester. Jaho razumieju, bo niekalki dzion jon rabiŭ banery i sajt zhurtavańniu studentaŭ, a vyniku šmathadzinnaha siadzieńnia la kamputara nia budzie. Paśla stała vidavočna, što aničoha kanfiskoŭvać i nie źbiralisia, za vyniatkam roznych papierak, nakładu hazety, raściažk i ściahoŭ. Toje samaje i ŭ Andrusia, Chryściny i Hleba. Imitacyja dziejnaści, nia bolš zatoje. A vinčester, praź jaki i była patasoŭka ŭžo nie mahli nie skanfiskavać.

Ja vyrašyŭ ranicaj pakinuć horad, tym bolš była patreba źjeździć u Vilniu. Ad domu za nami jechaŭ padazrony aŭtamabil, ale na kalcy za horadam pajechaŭ nazad. Ź Miensku nasustrač nieślisia aŭtazaki, daišniki, delehacyi i amapaŭskija aŭtobusy. Jak ja i havaryŭ, nie planavali akcyj. Ale ž, heta nia značyć, što i prysutničać na płoščy niekatoryja siabry nie źbiralisia. Tyčyna Andruś špacyravaŭ pa centry horadu, fatahrafujučy ŭsio navokał. Spačatku ludzi ŭ cyvilnym prosta «vyvieli» jaho, nastojliva parekamendavaŭšy bolej nie viartacca, a paśla ŭžo amapaŭcy pa prykmietach jaho zatrymali. Sprava ŭ tym, što ŭ kožnaha milicyjanta ci amapaŭca byŭ arkuš z fotazdymkami i dadzienymi hramadzkich aktyvistaŭ horadu. Navat tych, chto daŭno nie žyvie ŭ Salihorsku.

Tyčyna pravioŭ try hadziny ŭ milicyi, paśla jaho vypuścili. Praŭda, adyšoŭšy na 20 metraŭ daviedaŭsia, što łajecca matam i vymušany byŭ paviernucca nazad i pravieści jašče čatyry hadziny ŭ pastarunku.Užo ŭ internecie pračytaŭ pra Janiu Palakovu, źbituju ŭ milicyi.

Zvyšaktyŭnaść źviazana taksama z čakańniami hrandyjoznych akcyj ad Maładoha Frontu z nahody jubileju horadu. Praŭda, u adroźnieńni ad salihorcaŭ, pravaachoŭnyja orhany byli krajnie zadavoleny niaspraŭdziŭšymisia čakańniami.

• 0
• 0
• 0
• 0
• 0
• 0
• 0
• 0