Bolšaść staličnych himnazij pierajšła na novy hrafik pracy
29 staličnych himnazij z 50 prysłuchalisia da mierkavańnia Łukašenki pra toje, što školnikam treba dać hadzinu vyspacca, i buduć u novym navučalnym hodzie pačynać zaniatki a 9 ranicy.
U kancy navučalnaha hoda nastaŭniki apytali baćkoŭ, jaki čas im zručny, niekatoryja baćki pisali zvarot na imia administracyi škoł i himnazij z prośbaj pakinuć raniejšy raskład — z 8.30.
U vyniku kožnaja navučalnaja ŭstanova samastojna vyrašała, kali im pačynać pieršy ŭrok. Z 50 staličnych himnazij 29 ciapier buduć pracavać pa novym hrafiku.
Tak, u himnazijach №1, №3, №8, №16, №24, №50 pieršaja źmiena pačynajecca z 9.00. Abiedać školniki buduć paśla druhoha ci treciaha ŭroka, pieramieny pa 15 chvilin.
U 21-j himnazii dzieci na zaniatki buduć prychodzić u 8.30. Źmieny nie zakranuli, naprykład, himnazii №2, №10, №23, №32, №42.
U adnoj ź minskich himnazij ŭčora raspaviali: dzieciam abviaścili ab tym, što ŭroki buduć z 8.30, ale hety čas jašče ŭzhadniajecca z upraŭleńniem adukacyi.
- My spadziajemsia, što ničoha nie źmienicca, - adkazali na tym kancy drota.
Kamientary