Uroki ŭ pramiežku z 8.30 da 9.00 pačynajuć 87% biełaruskich škoł. Aktualnuju ličbu nazvała žurnalistam namieśnik ministra adukacyi Raisa Sidarenka.
— Kali ŭviesnu 85% ustanoŭ adukacyi źbiralisia pierachodzić na pačatak zaniatkaŭ z 8.30 da 9 ranicy, ale zaraz 87% pierajšli, — raspaviała namieśnik ministra adukacyi Raisa Sidarenka. — My ŭžo šmat razoŭ kazali, što pa sanitarnych normach i praviłach aptymalnym časam pačatku zaniatkaŭ zaŭsiody było 9 ranicy. Kali niejki inšy čas vybirali ŭstanovy adukacyi — jon pavinien byŭ być abhruntavanym.
Pradstaŭnik ministerstva dadała, što kožnaja škoła pavinna była praanalizavać svoj režym pracy, kab zrabić jaho aptymalnym.
- Što tyčycca tych dzivactvaŭ, jakija adbyvajucca ŭ kankretnych ustanovach … U Barysavie, paśla taho, jak pastupiŭ sihnał, vyjechaŭ pradstaŭnik ministerstva adukacyi i patłumačyŭ, jak treba pravodzić zaniatki. Tam absalutna na pavierchni lažała, što kali dźvie źmieny — z 9 hadzin heta absalutna niapravilnaje było rašeńnie. Kali niedzie pastupajuć sihnały - manitorym, źbirajem infarmacyju, reahujem.
Baćki niekatorych minskich škoł paviedamlajuć pra jašče adnu prablemu. Kali raniej vučniu treba było prychodzić na zaniatki ŭ adzin i toj ž čas kožny budni dzień, to zaraz hrafik zaniatkaŭ staŭ «rvanym». Byvaje, što školniku treba prychodzić u škołu to da 8.00, to da 8.15, to da 8.30, to da 9.00 u roznyja dni.
— Ci narmalna heta i jak baćkam i dzieciam zapaminać taki hrafik zaniatkaŭ? - udakładniŭ TUT.BY ŭ namieśnika ministra.
— Pa-pieršaje, jość dziońnik, — adkazała Raisa Sidarenka. - Čas pačatku samich urokaŭ pavinien być fiksavany: ci 8 hadzin, abo 8.15, 8.30, 9 ranicy. Dumaju, u hetych vypadkach hrafik adroźnivajecca, bo da ŭrokaŭ pravodziacca niejkija dadatkovyja zaniatki. Patrabavańnie pa sanitarnych normach adno — zaniatki pavinny pačynacca nie raniej 8 ranicy u pieršuju źmienu i zakančvajecca nie paźniej za 19.40 - u druhi. Kali ŭźnikajuć niejkija prablemy - ich pavinien vyrašać dyrektar.
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary