Viarchoŭny archijepiskap Kijeva-Halicki Śviatasłaŭ Šaŭčuk, hłava Ukrainskaj Hreka-Katalickaj Carkvy, 28 vieraśnia padčas sustrečy Rady Kanfierencyj Biskupaŭ Jeŭropy z Alaksandram Łukašenkam u Minsku vykazaŭ biełaruskamu lidaru padziaku za pamiać pra Ukrainu, paviedamlaje catholic.by.
«Vialiki dziakuj, što navat u svajoj pramovie siońnia ŭspomnili pra Ukrainu. Cerkvy Ukrainy — nie tolki pravasłaŭnyja, katalickija, ale i pratestanckija — imknucca zrabić usio, kab mir, za jaki my molimsia, pieramoh. My molimsia, kab hetyja, viadomyja na ŭvieś śviet, minskija damoŭlenaści narešcie byli vykanany. Kab hetyja pryncypy, jakija tut byli abvieščany, — pryncyp pašany da mižnarodnaha prava, zakliki spynić vajennyja dziejańni, vyvieści zamiežnyja vojski z Ukrainy, adnavić terytaryjalnuju cełasnaść, — kab jany byli vykanany ŭsimi ŭdzielnikami hetaha pracesu», — adznačyŭ arcybiskup Šaŭčuk.
«Ukrainskaja Hreka-Katalickaja Carkva źjaŭlajecca Carkvoj, jakaja zaŭsiody była sa svaim narodam. I siońnia ja tut dla taho, kab nie tolki ŭdzielničać ŭ hetaj kanfierencyi, ale taksama kab sustrecca z našymi bratami hreka-katolikami Biełarusi, ich padtrymać i zrabić usio dla taho, kab uzajemarazumieńnie i supracoŭnictva pamiž Cerkvami było dobraj budučyniaj našych krain, našych narodaŭ i našych Cerkvaŭ», — zaklučyŭ hreka-katalicki ijerarch.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja16
Kamientary