Niściuk chvalić Łukašenku i zachaplajecca biełaruskaj demakratyjaj
Mnohija eŭrapiejskija palityki vykazvajuć škadavańnie, što ŭ svoj čas Eŭropa skaraśpieła vystupiła z ultymatumam «12 umovaŭ», jakija niemahčyma vykanać, – ćvierdzić Niściuk.
Biełaruskija ŭłady davoli lajalna staviacca da ŭsich kandydataŭ, u tym liku i ad apazycyi. Takuju dumku vykazaŭ Uładzimir Niściuk, adzin ź lideraŭ sacyjał-demakrataŭ, na kruhłym stale ŭ časopisie «Biełaruskaja dumka».
Jon stanoŭča acaniŭ pieradvybarnuju atmasferu ŭ Biełarusi. Raniej, na dumku Niściuka, vybary adbyvalisia pad žorstkim kantrolem ułady, a ciapier sytuacyja źmianiłasia. «Tut darečna ŭzhadać i naradu, praviedzienuju Alaksandram Łukašenkam u pačatku vybarčaj kampanii. Prezydent pastaviŭ jasnuju zadaču – zabiaśpiečyć adkrytyja i prazrystyja vybary», – padkreśliŭ Niściuk.
Mnohija eŭrapiejskija palityki vykazvajuć škadavańnie, što ŭ svoj čas Eŭropa skaraśpieła vystupiła z ultymatumam «12 umovaŭ», jakija niemahčyma vykanać, – ćvierdzić Niściuk.
Kamientary