U Biełarusi budzie stvoranaje Respublikanskaje ŭnitarnaje sielskahaspadarčaje pradpryjemstva, dzie zmohuć pracavać asudžanyja. Pra heta skazaŭ načalnik Departamienta vykanańnia pakarańniaŭ MUS Siarhiej Daroška padčas pramoj linii ŭ subotu, piša SB.
Šmatprofilnaja ahrapramysłovaja haspadarka «Chutar-Ahra» pačnie pracu z 1 studzienia 2018 hoda ŭ Śvietłahorskim rajonie.
«Kab bolš efiektyŭna zajmacca sielskaj haspadarkaj, u bližejšy čas u kryminalna-vykanaŭčaj sistemie budzie stvoranaje Respublikanskaje ŭnitarnaje sielskahaspadarčaje pradpryjemstva. Tak ludzi zmohuć pracaŭładkoŭvacca i vieści narmalny ład žyćcia».
Na pracu ŭ Respublikanskaje sielskahaspadarčaje ŭnitarnaje pradpryjemstva buduć nakiroŭvać nie tolki tady, kali čałaviek vyzvalicca. U pieršuju čarhu, tudy prapanujuć pajści tym, kamu zamianili pakarańnie bolš miakkim vidam ci ŭmoŭna-daterminovym.
«Tyja, chto maje adpaviednyja śpiecyjalnaści, buduć nakiroŭvacca tudy. Kali ŭ kahocci zakančvajecca termin abo adbyvajecca zamiena na ŭmoŭna-daterminovaje abo papraŭčyja pracy, to čałaviek maje prava, kali jon padtrymlivaje sacyjalnyja suviazi, siamja, dzieci, jechać, kudy jamu nieabchodna. Ale kali čałavieku niama kudy iści, u jaho niama ni doma, ni siamji, nikoha, budziem prosta prapanoŭvać jamu zastacca žyć i pracavać u hetym Respublikanskim unitarnym pradpryjemstvie».
Načalnik Departamienta vykanańnia pakarańniaŭ MUS adznačyŭ, što, z punktu hledžańnia vychavańnia, karysna pracavać.
«Pa-pieršaje, čałaviek pavinien atrymać niejkuju rabočuju śpiecyjalnaść. Pa-druhoje, pavinien udzielničać u vytvorčaści jakoha-niebudź praduktu, jaki stvarajuć u kałonii. Važna, kab čałaviek zmoh skarystacca hetaj prafiesijaj paśla vyzvaleńnia».
Nie zastanucca asudžanyja i biez žylla.
«Kali čałavieku niama kudy padziecca, zhublenyja dakumienty i sacyjalnyja suviazi, my zojmiemsia adnaŭleńniem usich jaho dakumientaŭ. Heta pieršaje padobnaje pradpryjemstva ŭ Biełarusi», — padkreśliŭ Siarhiej Daroška.
-
Arhienciniec zakachaŭsia ŭ biełarusku i pierajechaŭ na chutar pad Maładziečnam
-
Biełarus spaźniŭsia na samalot z Dubaja i prosić kampiensacyju. Turapieratar kaža, što jon sam vinavaty
-
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»6
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary