У Беларусі будзе створанае Рэспубліканскае ўнітарнае сельскагаспадарчае прадпрыемства, дзе змогуць працаваць асуджаныя. Пра гэта сказаў начальнік Дэпартамента выканання пакаранняў МУС Сяргей Дарошка падчас прамой лініі ў суботу, піша СБ.
Шматпрофільная аграпрамысловая гаспадарка «Хутар-Агра» пачне працу з 1 студзеня 2018 года ў Светлагорскім раёне.
«Каб больш эфектыўна займацца сельскай гаспадаркай, у бліжэйшы час у крымінальна-выканаўчай сістэме будзе створанае Рэспубліканскае ўнітарнае сельскагаспадарчае прадпрыемства. Так людзі змогуць працаўладкоўвацца і весці нармальны лад жыцця».
На працу ў Рэспубліканскае сельскагаспадарчае ўнітарнае прадпрыемства будуць накіроўваць не толькі тады, калі чалавек вызваліцца. У першую чаргу, туды прапануюць пайсці тым, каму замянілі пакаранне больш мяккім відам ці ўмоўна-датэрміновым.
«Тыя, хто мае адпаведныя спецыяльнасці, будуць накіроўвацца туды. Калі ў кагоcьці заканчваецца тэрмін або адбываецца замена на ўмоўна-датэрміновае або папраўчыя працы, то чалавек мае права, калі ён падтрымлівае сацыяльныя сувязі, сям'я, дзеці, ехаць, куды яму неабходна. Але калі чалавеку няма куды ісці, у яго няма ні дома, ні сям'і, нікога, будзем проста прапаноўваць яму застацца жыць і працаваць у гэтым Рэспубліканскім унітарным прадпрыемстве».
Начальнік Дэпартамента выканання пакаранняў МУС адзначыў, што, з пункту гледжання выхавання, карысна працаваць.
«Па-першае, чалавек павінен атрымаць нейкую рабочую спецыяльнасць. Па-другое, павінен удзельнічаць у вытворчасці якога-небудзь прадукту, які ствараюць у калоніі. Важна, каб чалавек змог скарыстацца гэтай прафесіяй пасля вызвалення».
Не застануцца асуджаныя і без жылля.
«Калі чалавеку няма куды падзецца, згубленыя дакументы і сацыяльныя сувязі, мы зоймемся аднаўленнем усіх яго дакументаў. Гэта першае падобнае прадпрыемства ў Беларусі», — падкрэсліў Сяргей Дарошка.
Лукашэнка нервова пракаментаваў візіт Ціханоўскай у Кіеў45
Каментары