Biełarus zaśviaciŭ(sia) na samym adarvanym šou rasijskaha internetu FOTY 18+
9 kastryčnika ŭ sacyjalnaj sietcy Ukantakcie startavała realici-šou «Pabličnyja hulni».
Jahonyja praviły nastupnyja: 28 čałaviek zakidvajuć na ekzatyčnuju vyspu, dzie jany musiać pražyć 48 dzion, ich čakajuć 24 vyprabavańni. Pa adnym udzielniku buduć vykidvać z prahramy, jak było ŭ pieradačy «Apošni hieroj». U vyniku adziny pieramožca atrymaje 3 miljony rasijskich rubloŭ (krychu bolš za $50 tysiač).
Admietnaść u tym, što šou źbirajucca pakazvać anłajn 24 hadziny na sutki, chacia ŭžo ciapier uźnikli peŭnyja techničnyja ciažkaści, tamu videa pieraryvajecca. Na dadzieny momant anłajn-tranślacyja maje Ukantakcie bolš za 3 miljony prahladaŭ.
U čym admietnaść «Pabličnych hulniaŭ» ad taho ž «Doma-2»? Udzielnikam možna łajacca matam, pryčym šmat. A taksama nie zabaronienaja aholenaść. Źjavilisia ŭžo cełyja supołki, kudy pościacca karcinki z aholenymi ŭdzielnikami.
Siarod tych, chto prymaje ŭdzieł u šou — 26-hadovy biełarus Viktar Kasaŭcaŭ. Jon pradstaŭlaje pablik «Boršč». Dla Viktara heta nie pieršy ŭdzieł u rasijskich tok-šou. Raniej jon udzielničaŭ u «Acalełym», kali hierojam davodziłasia vyžyvać u dzikich umovach. Jon tam byŭ viadomy pad nikam «Šmyha». Viktar viadzie jutub-kanał «Dyvierhientny».
Užo ŭ pieršy dzień Kasaŭcaŭ paśpieŭ zaśviacicca ŭ efiry absalutna aholenym, kali pajšoŭ u duš. «Ja hatovy absalutna na ŭsio. Nie hatovy tolki spać z mužčynam, pakul što», — kazaŭ Kasaŭcaŭ na kastynhu.
U prahramie niama viadučaha. Jaho rolu vykonvaje vialiki ekran, na jakim źjaŭlajecca maska, tak zvany «Bot». Jon kaža, što jaho nie cikavić, jakija rečy buduć rabić udzielniki, jaho cikavić tolki kantent. I ničoha bolš. Čatyroch pieršych niaŭdačnikaŭ šou vyznačała «niejrasietka», hetyja ludzi vyrabili mienš za ŭsich kantentu. «Rabicie, što patrebna, aby mnie nie było sumna», — kaža bot.
Možna mierkavać, čym dalej budzie tranślavacca šou, tym bolej trešu, seksu, skandałaŭ, bojek buduć nazirać hledačy. Faktyčna ŭ «Pabličnych hulniach» niama nijakich abmiežavańniaŭ. A kali sami ŭdzielniki buduć stavić hetyja abmiežavańni pierad saboj, vylaciać z šou.
Karaciej, hledačam prosta prapanujecca pahladzieć biez cenzury, na što ž hatovyja ludzi, kab atrymać hrošy i słavu.
***
Na telehram-kanał «Našaj Nivy» možna padpisacca tut.
Načalnik milicyi Brahina stralaŭ u svaju žonku. Jana cudam vyžyła9
Kamientary