Ministr Karpienka pra himnazičnyja kłasy: U adukacyi nie pavinna farmiravacca «niejkaja elitarnaść»
Ministr adukacyi Ihar Karpienka, były staršynia Kamunistyčnaj partyi Biełarusi, u efiry ANT pasprabavaŭ patłumačyć sens realizujemaj im reformy himnazij.
Spačatku Karpienka pachvaliŭ savieckuju ŭładu, jakaja zmahła zrabić adukacyju ahulnadastupnaj i likvidavać jaje sasłoŭnaść.
«I kali my kažam pra farmiravańnie našaj sistemy adukacyi, jana pavinna być roŭnadastupnaj. Nie pavinna farmiravacca niejkaja elitarnaść, a sistema adboru talenavitych dziaciej nie pavinna pieraŭtvaracca ŭ spabornictva kašalkoŭ baćkoŭ ci ŭ niejki biznes. Heta moža naniać repietytara, a heta nie moža».
Karpienka miarkuje, što ekzamien u himnaziju paśla 4 kłasa niepatrebny, bo žadańnie atrymać bolš jakasnuju adukacyju — «nie śviadomy vybar dziciaci». A voś kali vučań dojdzie na 9 kłasa, to zmoža vyznačycca, jakim šlacham rušyć dalej. Ci to zastavacca ŭ škole, ci to iści ŭ PTV, ci to šukać sabie «himnazičny» kłas.
* * *
Ihar Karpienka naradziŭsia 28 krasavika 1964 u Navakuźniecku (Kiemieraŭskaja vobłaść Rasii) Skončyŭ BDPU jak nastaŭnik historyi, hramadaznaŭstva i anhlijskaj movy. Pracavaŭ u BDPU. U 2004-2012 — deputat Pałaty pradstaŭnikoŭ, u 2011-2016 — namieśnik staršyni Minharvykankama pa ideałohii, z 2016 — ministr adukacyi. U 2012-2016 uznačalvaŭ Kamunistyčnuju partyju Biełarusi.
* * *
Piać faktaŭ pra kiraŭnika Kampartyi Ihara Karpienku, novaha ministra adukacyi
Ihar Karpienka ŭładkavaŭ u Minadukacyi skandalnaha piśmieńnika-kamunista Andreja Łazutkina
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja87
Kamientary