Міністр Карпенка пра гімназічныя класы: У адукацыі не павінна фарміравацца «нейкая элітарнасць»
Міністр адукацыі Ігар Карпенка, былы старшыня Камуністычнай партыі Беларусі, у эфіры АНТ паспрабаваў патлумачыць сэнс рэалізуемай ім рэформы гімназій.
Спачатку Карпенка пахваліў савецкую ўладу, якая змагла зрабіць адукацыю агульнадаступнай і ліквідаваць яе саслоўнасць.
«І калі мы кажам пра фарміраванне нашай сістэмы адукацыі, яна павінна быць роўнадаступнай. Не павінна фарміравацца нейкая элітарнасць, а сістэма адбору таленавітых дзяцей не павінна пераўтварацца ў спаборніцтва кашалькоў бацькоў ці ў нейкі бізнэс. Гэта можа наняць рэпетытара, а гэта не можа».
Карпенка мяркуе, што экзамен у гімназію пасля 4 класа непатрэбны, бо жаданне атрымаць больш якасную адукацыю — «не свядомы выбар дзіцяці». А вось калі вучань дойдзе на 9 класа, то зможа вызначыцца, якім шляхам рушыць далей. Ці то заставацца ў школе, ці то ісці ў ПТВ, ці то шукаць сабе «гімназічны» клас.
* * *
Ігар Карпенка нарадзіўся 28 красавіка 1964 у Навакузнецку (Кемераўская вобласць Расіі) Скончыў БДПУ як настаўнік гісторыі, грамадазнаўства і англійскай мовы. Працаваў у БДПУ. У 2004-2012 — дэпутат Палаты прадстаўнікоў, у 2011-2016 — намеснік старшыні Мінгарвыканкама па ідэалогіі, з 2016 — міністр адукацыі. У 2012-2016 узначальваў Камуністычную партыю Беларусі.
* * *
Пяць фактаў пра кіраўніка Кампартыі Ігара Карпенку, новага міністра адукацыі
Ігар Карпенка ўладкаваў у Мінадукацыі скандальнага пісьменніка-камуніста Андрэя Лазуткіна
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах12
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння33
Каментары