Viadučyja rasijskija ŚMI apublikavali historyju kałužskaha mieniedžara pa prodažach, jakoha vinavaciać u ekstremiźmie, reabilitacyi nacyzmu i raspaŭsiudzie porna. Na 34-hadovaha Ivana Lubšyna zaviali try kryminalnyja spravy praź jahonyja zapisy i pieraposty «Ukantakcie».
U adnym z dopisaŭ Lubšyn miarkuje, što fašyzm i kamunizm — adnolkavaje zło. Jon apublikavaŭ polskuju pieśniu, u jakoj śćviardžajecca, što «nadyjdzie toj čas, kali na drevach zamiest liścia buduć visieć kamunisty».
Aproč taho, jon raźmiaščaŭ karcinku z sałdatam u kascy z emblemaj SS i podpisam: maŭlaŭ, sałdaty niasuć svabodu Rasii.
Narešcie, śledčyja znajšli jašče adzin akaŭnt «Ukantakcie», jaki byŭ zarehistravany na mabilnik Lubšyna, a na avatarcy znachodziŭsia jaho partret, a ŭ zapisach — roliki z elemientami porna. Adnak aktyvist ćmiana tłumačyć, što akaŭntam karystaŭsia jaho stryječny brat, jaki pamior niekalki hadoŭ tamu.
Razhlad kryminalnych spraŭ praciahvajecca, tamu pakul niezrazumieła, jakoje pakarańnie atrymaje Lubšyn.
Biełaruski śled u hetaj historyi prosty. Na mnohich zdymkach Lubšyn fatahrafujecca ŭ šapcy z «Pahoniaj». U čym jaho matyvacyja nasić biełaruskuju nacyjanalnuju simvoliku?
«U mianie karani ź Biełarusi. Babula z-pad Baranavičaŭ, baćka tam pravioŭ dziacinstva. A ciapier tam žyvuć svajaki. Fota zroblena ŭ Navahrudku», — patłumačyŭ aktyvist «Našaj Nivie».
***
Na telehram-kanał «Našaj Nivy» možna padpisacca tut.
Ciapier čytajuć
Były palitviazień znajšoŭ u Vilni padpracoŭku ŭ čacie — i trapiŭ pad kryminałku za pravakacyi suprać Ukrainy5
Kamientary