Repiery Vinsent i LSP zładzili publičnyja razborki
Aleh Saŭčanka — stvaralnik rep-hurta LSP, — dajučy intervju sajtu Kyky.org, uspomniŭ pra inšych papularnych biełaruskich rep-vykanaŭcaŭ.
«Kali hladzieć na kulturu ŭ cełym, dakładna nazavu «Niestandartny varyjant» — jany byli pieršymi, jany «praburyli śvidravinu» repu ŭ Biełarusi. Pamiataju, hladzieŭ na ich i dumaŭ: «Voś by hetak ža».
Vinsent? Biełaruskamoŭnaja muzyka, u pryvatnaści rep, zaŭsiody śpiekulavała na moŭnaj ekzotycy, za košt jakoj nie abaviazkova rabić muzyku zavobłačnaj jakaści, kab źbirać peŭnuju aŭdytoryju i niadrenna krucicca ŭ našych muzyčnych kołach. Vinsent — jakraz tamu dokaz. U jaho tupa nie było kankurencyi, prosta apynuŭsia bolš pradprymalnym za astatnich u patrebny čas u patrebnym miescy», — skazaŭ Saŭčanka.
LSP — heta vielmi papularny na postsavieckaj prastory rep-hurt. Alehu Saŭčanku 28 hadoŭ, jon uradženiec Viciebska, a karani pachodziać z Vušackaha rajona. Cikava, što pradzied Saŭčanki byŭ nastaŭnikam biełaruskaj movy Ryhora Baradulina.
«Ja nie śpiekuluju na movie, ja hetym žyvu, — adkazaŭ LSP Vinsent. — Takim pasynkam, jak Aleh, hetaha nie zrazumieć. Jon baicca skazać słova pra realnuju situacyju ŭ Biełarusi, jamu plavać, jak nazyvać našu krainu: Biełaruś ci Biełoruśsija. Takija, jak Aleh, imknucca ŭ Kursk i Ciumień, a ja tudy nie imknusia. Ja rablu biełaruski rep, a jany robiać rasiejski rep.
Dla mianie heta toje ž samaje, što manholski rep, jano nijak nie kryžujecca ź biełaruskaj kulturaj. Tamu mnie nie važna, što tam kažuć pra mianie Aleh ci rasiejskija repery. Voś byŭ Roma Anhličanin, jon zrabiŭ uniosak u biełaruskuju kulturu jak minimum supracaj z Maŭzeram. Škada, što jon adyšoŭ ad nas. Prymicie ščyryja spačuvańni, blizkija, u tym liku Aleh. Aleh, ty — prosta karol Tuły i Varonieža, mnie heta niecikava, jak nie cikavaja tvaja muzyka i ty sam».
Vinsent (sapraŭdnaje imia Źmicier Papko) — 29-hadovy chip-chop vykanaŭca, rodam ź Ivacevičaŭ. Taksama Vinsent syhraŭ hałoŭnuju rolu ŭ filmie «Žyvie Biełaruś», hraŭ u stužcy «Vyšej za nieba».
Darečy, biełaruskamoŭnyja pieśni ŭ repiertuary Aleha z LSP usio ž majucca. Jon śpiavaŭ razam z repieram ź Sianna Vožykam. Voś adna z kampazicyj:
Sam Vožyk hetak adpisaŭsia pra sprečku: «Tanna i niezrazumieła vyhladajuć kamienty ŭ padtrymku Vinsenta ŭ jaho vypadzie na ŁSP. Vy praŭda hatovyja padtrymlivać dzimaŭ narcysizm tolki tamu, što jon biełaruskamoŭny?» — pytajecca Vožyk.
Inšy repier Gleboki Smak (Hleb Chamutoŭ) adpisaŭ z hetaj nahody nastupnaje: «Znajomy jak ź Vinsentam, tak i z Aleham ŁSP. Abodvuch pavažaju. Ale čamu, kali Michałok razryvaŭ kancertnyja zały pa ŭsioj Rasii, nichto nie nazyvaŭ jaho karalom Tuły i Varoniežu? Dziŭna, što Aleha ŁSP, jaki nosić vyšyvanki, cudoŭna razmaŭlaje pa-biełarusku i rabiŭ raniej treki na biełaruskaj movie, nazyvajuć tak prynižana. Heta padchapili vyšyvatniki dy palivajuć vykanaŭcu łajnom. Palivajuć čałavieka, jaki hanarycca tym, što biełarus».
U instahramie Aleha Saŭčanki znajšli fotku, dzie jon u vyšyvancy, a podpis źnizu kaža: «Ja — biełarus. I hetym hanarusia».
-
«Najhoršy kancert u maim žyćci»: biełaruska paskardziłasia na vystup «Ivanušak» u Minsku i nabrała 2 miljony prahladaŭ
-
Premija MTV: tryumf Tejłar Śvift i emacyjnaja pramova Ryty Ory ab udzielniku One Direction
-
«Ja nie viarnuś dadomu, Vaŭkałak!». Historyja kachańnia i pieraradžeńnia ŭ novym fentezijnym klipie hurta Irdorath
Amierykanka raskazała, jak vykładała va ŭniviersitecie ŭ Viciebsku i navat dała paru ŭrokaŭ milicyi5
Kamientary