Francuzski forvard madrydskaha «Atletyka» Antuan Hryzman damoviŭsia pra pierachod u «Barsiełonu», paviedamlaje Le10sport. Katałonski kłub pasprabuje aformić tranśfier da pačatku čempijanatu śvietu 2018 hoda. Minułym letam «Barsiełona» prapanoŭvała za forvarda €140 młn, ale atrymała admovu.
U nabyćci futbalista zacikaŭleny asabista hałoŭny trenier kamandy Ernesta Valvierde. U ciapierašni čas vypłata za francuzskaha forvarda składaje €200 młn, ale letam źnizicca da € 100 młn.
Hryzman na praciahu troch apošnich siezonaŭ stanaviŭsia najlepšym snajpieram «Atletyka». Uletku 2016 hoda jon vyjhraŭ bambardzirskuju honku na čempijanacie Jeŭropy. Forvard staŭ aŭtaram šaści miačoŭ i pieršym hulcom z 1984 hoda, jakija zabili na čempijanacie Jeŭropy bolš za piać hałoŭ.
Z 14 hadoŭ Hryzman vystupaŭ za ispanski kłub «Reał Saśjedad», za jaki ŭ 201 matčy va ŭsich turnirach zabiŭ 52 hały. U 2014 hodzie francuz pierajšoŭ u «Atletyka».
Ciapier čytajuć
Andrej Švied, architektar represij, pryznačany staršynioj Viarchoŭnaha suda13
Kamientary